संसद विघटन सही थियो भन्ने निर्णय केन्द्रीय कमिटि बैठकबाट भइसकेको छ : बादल

काठमाडौँ– एमालेका स्थायी कमिटि सदस्य एवं बागमती प्रदेशका इन्चार्ज रामबहादुर थापा बादलले संसद विघटन गर्ने कदम ठीक भएको औपचारिक निर्णय केन्द्रीय कमिटीले गरेको दाबी गरेका छन्।

शुक्रबारदेखि ललितपुरको गोदावरीमा सुरु हुने विधान महाधिवेशनबारे जानकारी दिँदै बादलले संसद विघटनका सवालमा फरक मत भए पनि त्यसलाई पार्टीले औपचारिक रुपमा भने उपयुक्त निर्णयका रुपमा लिएको दाबी गरेका हुन्।

उनले भने, ‘संसद विघटन सही थियो भन्ने कुरालाई केन्द्रीय कमिटिले अनुमोदन गरिसकको छ। त्यो विघटन जायज थियो भन्ने हो। त्यसमा फरक मतहरु पनि छन्। त्यो आवश्यक थिएन, प्रतिगमन हो भन्ने भनाइ पनि आएका छन्।’

अध्यक्ष ओली विरोधी माधव नेपाल पक्षमा लागेर अन्तिम समयमा एमालेमै रहेका नेताहरुले ओलीले दुई पटक गरेको संसद विघटनबारे समीक्षा हुनुपर्ने आवाज उठाइरहेका छन्।

त्यसै सन्दर्भमा सोधिएको प्रश्नको जवाफ दिँदै बादलले फरक मत भए पनि संसद विघटन सही निर्णय थियो भन्ने पार्टीको आधिकारिक धारणा भएको उल्लेख गरे।

बादलले पार्टीलाई बलियो बनाउन विधान महाधिवेशनमा धेरै प्रतिनिधि तय गरिएको दाबी गरे।

उनले भने, ‘धेरै प्रतिनिधि किन राखियो? अधिकतम सदस्यलाई उपस्थित गराएर निर्णय लिनका लागि हो। यसले पार्टीलाई बलियो बनाउँछ। सबैको स्वामित्व लिन सक्ने अवस्थाको सिर्जनाका होस् भनेर हो। विचार, पद्धतिको निर्माणका लागि प्रतिनिधिलाई बोलाइएको हो।’

एमाले विधान महाधिवेशनमा पाँच हजार ७ जना सदस्यले भाग लिँदैछन्।

भेलाका लागि आवश्यक सबै तयारी पूरा भएको बादलले बताए। ‘एमालेलाई सुदृढिकरण गर्न, जनआधारित बनाउनका लागि उद्देश्य लिएका छौँ,’ उनले भने।

सम्मेलनमा पार्टीमा देखिँदै आएको अस्वस्थ प्रतिस्पर्धालाई हटाउन दुई कार्यकाल भन्दा बढी हुन नपाउने व्यवस्था गरेको, ७० वर्षको उमेरहदको पालना विधानमा प्रस्ताव गरिएको जानकारी दिए।

को–को प्रतिनिधि हुँदैछन् विधान महाधिवेशनमा?

---

केन्द्रीय कमिटीका पदाधिकारी एवं सदस्य

केन्द्रीय निकायका पदाधिकारी एवं सदस्य

केन्द्रीय विभागबाट चुनिएका प्रतिनिधि

प्रदेश कमिटीका सबै

जिल्ला कमिटीबाट चुनिएका सबै प्रतिनिधि

पार्टी सदस्य रहेका संघ र प्रदेशका सांसद

पार्टीको तर्फबाट निर्वाचित जिल्ला समन्वय समितिका प्रमुख र उपप्रमुख

पार्टी सदस्य रहेका स्थानीय पालिकाका प्रमुख र उपप्रमुख

जनसंगठन र पेशागत संगठनहरुबाट चुनिएका प्रतिनिधि

भारत लगायत प्रवासका संघ संगठनहरुबाट चुनिएका प्रतिनिधिहरु

पार्टी केन्द्रबाट विधान बमोजिम मनोनित सदस्य

from देशसञ्चार https://ift.tt/39S0CSM
https://ift.tt/eA8V8J

बिहीबार ३२ अंकले घट्यो सेयर बजार

काठमाडौँ– सेयरबजार साताको अन्तिम दिन बिहीबार पुनः ओरालो लागेको छ।

आज सेयर बजार ३२.५१ अंकले ओरालो लागेको हो। आज ३२.५१ अंकले सेयर बजार ओरालो लाग्दा नेप्से परिसूचक २ हजार ६ सय ३३.४२ विन्दुमा सीमित भएको नेपाल स्टक एक्सचेन्जले जनाएको छ। १.२२ प्रतिशतले सेयर बजार घट्दा नेप्से परिसूचक २ हजार ६ सय ३३.४२ विन्दुमा सीमित भएको हो।

आज कारोबार रकम पनि घटेको छ। हिजो बुधबार ५ अर्ब २ करोड ८५ लाख ५५ हजार ९२ रुपैयाँमा कारोबार भएको सेयर कारोबार बिहीबार ३ अर्ब ७० करोड २९ हजार ५०७ रुपैयाँमा सीमित भएको छ। आज ७३ लाख २१ हजार १४ कित्ता सेयर किनबेच भएको छ।

हिजो बढेको सेयर बजारले लगानीकर्तामा झिनो आशा पलाए पनि आजको कारोबारले त्यो आशा पनि मरेको छ। लगातार घट्दै गएको सेयर बजारका कारणले लगानीकर्ताहरु आन्दोलित भएका थिए। त्यसपछि केही सकरात्मक देखिए पनि पुनः सेयर बजारको हालत त्यस्तै देखिएको छ।

आज ट्रेडिङ उपसमूह ३.९२ प्रतिशत, अन्य ०.२७ प्रतिशत र म्युचल फण्ड ०.१९ प्रतिशतले बढेका छन्। अन्य उपसमूहहरु भने राताम्मे छन्। अर्थात घटेका छन्। सबैभन्दा बढी फाइनान्स २.९८ प्रतिशतले घटेको छ।

कारोबारका आधारमा आज नेपाल फाइनान्स लिमिटेड शिर्ष स्थानमा छ। सो कम्पनी आज कारोबारको अन्तिम दिन १० प्रतिशतले बढेको छ।

यस्तै मनकामना स्मार्ट लघुवित्त वित्तीय संस्था लिमिटेड १० प्रतिशत, मैलुग खोला जल विद्युत कम्पनी लिमिटेडले १० प्रतिशत र रुरु जल विद्युत परियोजना लिमिटेड ६.०५ प्रतिशतले बढेका छन्।

from देशसञ्चार https://ift.tt/3uq2bAM
https://ift.tt/eA8V8J

डेबिट, क्रेडिट र प्रिपेड कार्डबाट अनलाइन भुक्तानी गर्दा क्यासब्याक

काठमाडौँ– ग्राहकले हिमालयन बैंकको डेबिट, क्रेडिट र प्रिपेड कार्डबाट अनलाइन भुक्तानी गर्दा २० प्रतिशत क्यास ब्याक (रु ७५० सम्म) पाउन सक्ने जानकारी दिएको छ।

साथै बैंक अफ काठमाण्डौंको डेबिट र क्रेडिट कार्डबाट अनलाइन भुक्तानी गर्दा २० प्रतिशत क्यास ब्याक (रु १५०० सम्म) र माछापुच्छ्रे बैंकको डेबिट र क्रेडिट कार्डबाट अनलाइन भुक्तानी गर्दा दैनिक २१ प्रतिशत क्यास ब्याक (रु २१० सम्म) पाउने सक्ने कम्पनीले जानकारी दिएको छ।

यो दशैंमा ग्राहकहरुले दैनिक १० हजार रुपैयाँसम्मको आकर्षक उपहार समेत जित्न सक्नेछन् । स्मार्टडोकोबाट सामान खरिद गर्ने ग्राहकले डाइमण्ड ओमेगा १८ लिटरको ओभर टोस्टर ग्रिलर, क्रेन इलेक्ट्रिकल अल्ट्रासोनिक कुल एयर प्युरिफायर, पोको किड्स गिफ्ट भाउचर, बेबी ट्रि गिफ्ट भाउचर, इनर्जाइजर पावर बैंक, गोल्डस्टार जी१० जुत्ता तथा जापानिज क्वार्र्टाज मुभमेन्ट जेन्युन लेदर ब्याण्ड रिस्टवाच उपहार जित्न सक्नेछन्।

स्मार्टडोकोले यस स्मार्ट दशैं अफरमा ग्राहकहरुलाई इलेक्ट्रिोनिक्स, हेल्थ एण्ड ब्यूटी, एपिरियल्स, बेबी केयर र अन्य सामग्रीहरु सस्तो मूल्यमा उपलब्ध गराउँदै आएको छ। साथै ग्राहकले अधिकतम ७० प्रतिशतसम्म छुट पाउने समेत व्यवस्था गरिएको छ।

ग्राहकले यो अफरमा आफूलाई मनपर्ने विभिन्न उपहारहरु स्मार्टडोकोको वेवसाइट तथा एपबाट अर्डर गरी फाइदा लिन सक्नेछन्। ग्राहकले एन्ड्रोइड र आइओएस डिभाइसमा एप डाउनलोड गर्न सक्नेछन्।

from देशसञ्चार https://ift.tt/2Y1Wahw
https://ift.tt/eA8V8J

‘साइन्स इन फाइभ’ अब नेपालीमा

काठमाडौँ– विश्व स्वास्थ्य संगठनद्वारा उत्पादित ‘साइन्स इन फाइभ’ अडियो तथा भिडियो श्रृङ्खला अब नेपाली भाषामा पाँचमा विज्ञान पोडकास्टमार्फत सुन्न सकिने भएको छ।

विश्व स्वास्थ्य संगठनका विज्ञहरुले कोभिड १९ सम्बन्धी विषयमाथि सरल भाषामा छलफल गर्ने यस श्रृङ्खलालाई विश्व स्वास्थ्य संगठन नेपालले नेपाली भाषामा अनुवाद गरेको हो।

कोभिड १९ सम्बन्धी भ्रम र गलत समाचारहरु फैलिरहेको अवस्थामा इन्टरनेट प्रयोगकर्ताहरुलाई लक्षित गरी यो पोडकास्टको प्रशारण सुरु गरिएको हो। यो पोडकास्टले नेपाली जनमानसमा व्याप्त भ्रमलाई चिर्न र सत्य सूचनामा मात्रै विश्वास गर्न मद्धत पुग्ने अपेक्षा गरिएको छ।

पोडकास्टका नयाँ अंकहरु प्रत्येक शुक्रबार साउण्डक्लाउडमा पाँचमा विज्ञान च्यानलमार्फत प्रशारण गरिने संगठनको नेपालस्थित कार्यालयले जनाएको छ। यही असोज १५ गतेदेखि प्रशारण गरिने पोडकास्टको पहिलो अंकमा विश्व स्वास्थ्य संगठनकी मातृ तथा नवजात शिशु स्वास्थ्यविज्ञ डा ओज्गे टुनचाल्पले कोभिड १९ महामारीको समयमा गर्भवती तथा गर्भाधारणको योजनामा रहेका महिलाहरुले ध्यान दिनुपर्ने विषयमा छलफल गर्नेछिन्।

नेपाली समुदायमाझ पनि कोभिड १९ सम्बन्धी महत्वपूर्ण जानकारीहरुको पहुँच पु¥याउने उदेश्यले विश्व स्वास्थ्य संगठन नेपालले यस श्रृङ्खलालाई नेपाली र मैथिली भाषामाअनुवाद गरी युट्युब च्यानलमार्फत पनि प्रशारण गर्दै आएको छ।

from देशसञ्चार https://ift.tt/3up7oJ7
https://ift.tt/eA8V8J

सार्वजानिक यातायातको भाडादर समायोजन हुने

हेटौँडा– बागमती प्रदेशको भौतिक पूर्वाधार विकास मन्त्रालयले ‘यातायात व्यवस्थापन ऐन २०७५’ अनुसार नियमावली कार्यान्वयनमा आइसकेको जनाएको छ। नियमावलीका अभावमा सार्वजानिक यातायातको भाडादर निर्धारण गर्न समस्या रहेको थियो।

मन्त्रालयका प्रवक्ता नवीनकुमार सिंहले नियमावली र प्रदेश मन्त्रिपरिषद्को निर्णयका आधारमा अब भाडा समायोजन हुने बताएका हुन्।

यसका लागि प्रदेश सरकारले कार्यदल नै बनाएर काम अगाडि बढाएको उनले जानकारी दिए। उनले अब भाडा समायोजनको अन्तिम निष्कर्ष आउनमात्र बाँकी रहेको जनाउँदै उक्त निर्णयपश्चात मात्र सवारीसाधनको नयाँ भाडा निर्धारण हुने बताए।

सार्वजनिक यातायात महासङ्घका अध्यक्ष डोलनाथ खनालले विसं २०७० बाट भाडा समायोजन नहुँदा यातायात व्यवसायी मर्कामा परेको जानकारी दिए। उनले विसं २०६५ मा सरकारले ६ महिनासम्म अनुसन्धान गरेर वैज्ञानिक भाडा नीति ल्याएको भए पनि उक्त कार्य पाँच वर्षसम्म लागू भएर स्थिर बनेको बताए।

पेट्रोलियम पदार्थका कारण भाडा बढ्ने वा घट्ने सम्भावना ३५ प्रतिशतमात्र भएको र ६५ प्रतिशत अन्य कारण रहेको उनको भनाइ छ।

भाडा समायोजनमा विभिन्न पक्ष अध्ययन गरिने अध्यक्ष खनालको भनाइ छ। अध्ययन गरिने विषयमा गाडीको मूल्य, ब्याज, चालकको पारिश्रमिक, गाडीका विभिन्न भागको मूल्यलगायत छन्। सङ्घीय सरकारले अन्तरप्रदेशको भाडा २८ प्रतिशत वृद्धि गरेको भए पनि प्रदेशभित्र समायोजन हुन नसकेको अध्यक्ष खनालले बताए।

छिट्टै भाडादर बढ्ने र राहत पाउने हेटौँडाका यातायात व्यवसायी राजु पौडेलको भनाइ छ। यातायातका साधनमा निर्भर आफ्नो व्यवसायमा अब भने थोरै मुनाफा हुनसक्ने अनुमान उनको छ। नौ वर्षदेखि भाडादर स्थिर रहेको जनाइएको छ। पुरानो भाडा दरमा ढुवानी गर्न नसक्ने पुरानो नारायणी यातायात व्यवसायी सङ्घका प्रबन्धक सरोज खनालले बताए।

from देशसञ्चार https://ift.tt/3upSnGU
https://ift.tt/eA8V8J

राष्ट्रिय भलिबलः एपिएफद्वारा पुलिस पराजित

काठमाडौँ– छैटौँ संस्करणको राष्ट्रिय महिला तथा पुरुष क्लब भलिबल च्याम्पियनसिपअन्तर्गत महिलातर्फको खेलमा विभागीय टोली एपिएफ क्लबले अर्को विभागीय टोली नेपाल पुलिस क्लबलाई पराजित गर्दै सेमिफाइनलमा प्रवेश गरेको छ।

त्रिपुरेश्वरस्थित राष्ट्रिय खेलकुद परिषद् (राखेप)को कभर्डहलमा आज भएको खेलमा एपिएफले नेपाल पुलिस क्लबलाई ३–१ को सेटमा पराजित गर्दै समूह एको विजेतासमेत बन्यो।

निकै प्रतिस्पर्धात्मक बनेको खेलमा एपिएफले पुलिसमाथि २५–१४, २१–२५, २५–१८ र २५–१९ को सेटमा जित निकाल्यो । यस जितसँगै एपिएफले दुई खेलमा छ अङ्क जोडेको छ । पुलिस भने समूह उपविजेता बन्दै सेमिफाइनलमा प्रवेश गर्‍यो। पुलिसले दुई खेलमा तीन अङ्क जोड्यो।

न्यू डायमन्ड स्पोर्ट्स क्लब विजयी

त्यस्तै सोही स्थानमा आज नै भएको अर्को खेलमा न्यू डायमन्ड स्पोर्ट्स क्लबले विभागीय टोली त्रिभुवन आर्मी क्लबलाई ३–० को सेटमा पराजित गर्दै सेमिफाइनलमा प्रवेश गरेको छ । न्यू डायमन्डले आर्मीलाई २७–२५, २५–२२ र २५–२० को सेटमा पराजित गर्‍यो।

यस जितसँगै समूह बीको विजेतासमेत बनेको न्यू डायमन्डले दुई खेलमा छ अङ्क जोड्यो। पहिलो खेलमा न्यू डायमन्डले एभरेष्ट क्लब बुटवललाई हराएको थियो। यस समूहबाट आर्मी उपविजेता बन्दै सेमिफाइनलमा पुगेको छ। आर्मीले दुई खेलमा तीन अङ्क जोड्यो। न्यू डायमन्ड र आर्मीको खेलसँगै महिलातर्फको सेमिफाइनल समीकरणसमेत पूरा भएको छ।

नेपाल भलिबल सङ्घद्वारा आयोजित उक्त प्रतियोगिताको विजेता टोलीले रु चार लाख तथा उपविजेताले रु दुई लाख प्राप्त गर्नेछन्। तेस्रो हुने टोलीले रु एक लाख प्राप्त गर्नेछन्। त्यस्तै सर्वोत्कृष्ट खेलाडीले २५ हजार प्राप्त गर्दा विधागततर्फ उत्कृष्ट हुनेले जनही रु १० हजार पाउने छन्।

from देशसञ्चार https://ift.tt/3us47IR
https://ift.tt/eA8V8J

आजभोलि नै मन्त्रिपरिषद विस्तार : प्रचण्ड

काठमाडौँ – सत्ता गठबन्धनका एक घटक माओवादी केन्द्रका अध्यक्ष पुष्पकमल दाहाल प्रचण्डले छिट्टै मन्त्रिपरिषदले पूर्णता पाउने दाबी गरेका छन्।

सहिद प्रतिष्ठान नेपालको १२ औँ साधारण सभालाई सम्बोधन गर्दै अध्यक्ष दाहालले आजभोलि नै सरकार विस्तार हुने जानकारी दिएका हुन्। शेरबहादुर देउवाको नेतृत्वमा सरकार बनेको साढे दुई महिना वितिसक्दासमेत मन्त्रिपरिषदले पूर्णता पाउन सकेको छैन।

प्रचण्डले मन्त्रालयको भागवण्डा टुंग्याएर आजओलि नै पूर्णता दिने उल्लेख गरे। सरकार पूर्णता पाएसँग्ै जनयुद्धका घाइते अपाङ्गलाई राहतका कार्यक्रम ल्याउने दाहालको भनाइ छ।

उनले भने, ‘अब गठबन्धन सरकार विस्तार भएर जनयुद्धका घाइते र अपाङ्गका माग पनि सम्बोधन गर्ने दिशामा अघि बढ्नेछौँ।’

शान्ति प्रक्रियामा आएको लामो समय भइसक्दा समेत आफूहरुमाथि घेराबन्दी गर्ने काम नरोकिएको अध्यक्ष प्रचण्डको भनाइ छ।

‘शान्ति प्रक्रियामा आएको १५ वर्षपछि पनि हामीलाई घेरा हालिरहेका छन्। घेरा तोड्ने र प्रतिरोध गर्ने अभियानमा हामी छौँु। हामी सरकारको साझा न्यूनतम कार्यक्रममा कम्तीमा जनयुद्धका सहिदबारे ठोस निर्णय लिन्छौँ। सत्य निरुपण तथा बेपत्ता आयोगलाई सक्रिय बनाएर राहत प्रक्रिया अघि बढाउँछौँ, उनले भने।

from देशसञ्चार https://ift.tt/3F3GcEy
https://ift.tt/eA8V8J

विद्युत कर्मचारीमाथि हातपात गर्ने होटल व्यवसायीले मागे माफी

मोरङ– होटलको विद्युतको बक्यौता रकम नतिरेपछि लाइन काट्न पुगेको विद्युतको टोलीमाथि हातपात भएको घटनामा होटल सञ्चालकले माफी मागेका छन्।

जिल्ला प्रहरी कार्यालय मोरङमा बुधबार साँझ भएको छलफलपछि होटल सञ्चालकले आफूले आवेशमा आएर घटना गराएको र आगामी दिनमा कुनै पनि गल्ती नदोहोर्‍याउने प्रतिबद्धता जनाउँदै माफी मागेको प्राधिकरण विराटनगर वितरण केन्द्र प्रमुख रोशन खड्काले जानकारी दिए।

तर होटल सञ्चालक तुलसी पोखरेलले कसैलाई पनि कुटपिट र आक्रमण नगरिएको सुनाएका थिए।

विद्युत प्राधिकरण विराटनगर वितरण केन्द्रका कर्मचारी बुधबार लाइन विच्छेद गर्न पुगेपछि होटल सञ्चालक पोखरेलले हातपात गरेका थिए। विराटनगर १२ स्थित होटलका सञ्चालक पोखरेलले प्राधिकरणका इलेक्ट्रिसियन विराटनगर–३ घर भएका ५७ वर्षीय तारानाथ खतिवडामाथि आक्रमण गरेका थिए। होटलले लामो समयदेखि विद्युत महसुल नबुझाएका कारण इलेक्ट्रिसियन खतिवडाको टोली लाइन विच्छेदका लागि होटलमा पुगेको थियो।

लाइन काट्न अवरोध पु¥याएका पोखरेलले अश्लील शब्द प्रयोग गरेर दुव्र्यवहार गर्दै सुरक्षागार्ड र कर्मचारीको सहयोगमा खतिवडामाथि आक्रमण गरेको पीडितले बताएका छन्। घटनाले उग्र रुप लिएपछि दुवै पक्षलाई जिल्ला प्रहरी कार्यालयमा राखेर सहमति गराइएको छ। जिल्ला प्रहरी कार्यालय मोरङका प्रवक्ता प्रहरी नायब उपरीक्षक दीपक श्रेष्ठका अनुसार घटनाको उजुरी नपरे पनि दुवै पक्षमा देखिएको तीक्ततालाई बुधबार बेलुका सहमतिमा टुंगाइएको छ।

पीडितका अनुसार होटल सञ्चालक पोखरेलले होटलको गेट बन्द गरेर खतिवडालाई बन्धकसमेत बनाएका थिए। आक्रमणमा परेका खतिवडाको अनुहारमा कुटपिटका निशान देखिन्छन्। यसक्रममा प्राधिकरणका विराटनगर प्रमुख खड्कालाई पनि टेलिफोनमा पोखरेलले अश्लील शब्द प्रयोग गरेर गालीगलौज गर्दै धम्क्याएको बताइएको छ।

प्राधिकरणका अनुसार पोखरेलको होटलले प्राधिकरणलाई ३ लाख १४ हजार रूपैयाँभन्दा बढी शुल्क बुझाउन बाँकी छ। त्यसमा २५ प्रतिशत जरिवाना थप हुने प्राधिकरणले जनाएको छ। होटलले लामो समयदेखि बक्यौता रकम नतिरेको पाइएपछि प्राधिकरणले कारबाही अघि बढाउँदा पोखरेल आक्रोशित बनेर कर्मचारीमाथि नै खनिएको प्रहरीले जनाएको छ।

पोखरेल प्रदेश १ की तत्कालीन सामाजिक विकासमन्त्री उषाकला राईका प्रमुख सल्लाहकारसमेत रहिसकेका छन्।

यसैबीच विद्युत कर्मचारीमाथि भएको कुटपिटको कर्मचारी युनियनहरुले विरोध गरेका छन्। विराटनगर केन्द्रस्थित नेपाल विद्युत प्राधिकरण कर्मचारी युनियन र नेपाल विद्युत प्राधिकरण कर्मचारी संघले संयुक्त विज्ञप्ति जारी गर्दै कर्मचारीमाथि हातपात गर्ने होटल व्यवसायीलाई यथासिघ्र पक्राउ गरी कानुनी कारबाहीको मागसमेत गरेका छन्।

from देशसञ्चार https://ift.tt/3olyhMY
https://ift.tt/2Y2cHSw

बुटवलमा चाडबाडकेन्द्रित बजार अनुगमन

बुटवल – बुटवलमा चाडबाडलाई ध्यानमा राखेर बजार अनुगमन शुरु भएको छ। बुटवल उपमहानगरपालिका, खाद्य प्रविधि तथा गुण नियन्त्रण कार्यालय, इलाका प्रहरी कार्यालय, वाणिज्य कार्यालय, उद्योग वाणिज्य संघ, रुपन्देही व्यापार संघ, उपभोक्ता हित संरक्षण मञ्चको सहभागितामा संयुक्त रुपमा बजार अनुगमन थालिएको हो।

खाद्य सामग्री उत्पादनमा प्रयोग हुने कच्चा पदार्थ र त्यसको गुणस्तर, मिठाइ, दूध, दुग्धजन्य उत्पादन, प्याकिङ गरी बिक्री गरिने खाद्यवस्तुमा हुनुपर्ने लेबल, गुणस्तर, उत्पादन मिति, समाप्ति मिति, मूल्यसूची, पसल सञ्चालनको अनुमति, नवीकरण भएनभएको विषयमा अनुगमन गरिएको हो।

अनुगमनका क्रममा फेला परेका कमसल सामग्रीलाई जफत गरी नष्ट गर्ने, जरिवाना तिराइएको छ भने अटेर गर्नेलाई बन्द गर्ने चेतावनी दिइएको छ।

बुटवल उपमहानगरपालिका–४, हाटबजार लाइनमा रहेका कान्दु किराना पसल, न्यू कृष्ण किराना स्टोर्स, न्यू भण्डारी खाध्य स्टार्स, गोपीकृष्ण किराना पसल बुटवल–९, कालिकापथमा रहेका न्यू भण्डारी किराना पसल, सान्जी मार्ट, ठुल्दाई ट्रेड सप्लार्यस, ठुल्दाई खाद्यान्न भण्डार, बुटवल–९ मै रहेका हरियो तरकारी प्रालि, पतञ्जली आयुर्वेद प्रा.लि, गुल्मेली ज्ञवाली किराना पसल, प्रकाश किराना स्टोर्स, एशिया एटुजेट सामग्री केन्द्र, पवन चाट सेन्टरमा अगुगमन गरिएको बुटवल उपमहानगरपालिकाका अधिकृत ठगिश्वर पोखरेलले जानकारी दिए।

हरियो तरकारी प्रालिमा व्यवसाय दर्ता र नापतौलको कागजात नभएको पाइएको र त्यहाँ केही तरकारी र तरकारी जन्य सामग्री गुणस्तरीय नपाइएको भन्दै नष्ट गरिएको थियो।

उक्त पसललाई वडा कार्यालयमा व्यवसाय दर्ता गराई ३ दिन भित्र नापतौल का.मा उपस्थित हुन तारेख दिइएको अनुगमन समितिले जनाएको छ।

यस्तै अर्घाखाँची कोण्ड ड्रिक तथा मदिरा स्टोर्स, चौतारी विजनेस ग्रुप, डि.पि.सी.स्टोर्समा अनुगमन भएको छ।

डीपीसी स्टोर्सलाई उपभोक्ता संरक्षण ऐन २०७५ को दफा ३८ को खण्ड ‘घ’ बमोजिमको कसुर गरेकोले सोही ऐनको दफा ३९ बमोजिम जरिवाना गरिएको थियो।

चौतारी बिजनेश ग्रुपमा म्याद नोको खान अयोग्य लागि क्रेकर रु.२० पर्ने ४६ पोका नष्ट गरिएको थियो।

अर्घाखाँची कोल्डड्रिङ तथा मदिरा स्टोर्समा म्याद नाघेको वियर ६ बोतल, क्यान वियर ५ थान, रियल गोल्ड ३ थान जफत गरि नष्ट गराइएको थियो।

अनुगमन गरिएको कतिपय पसलमा नाम नभएका, अखाद्य रंग मिसिएका र म्याद नाघेका खाद्य सामन पसलमा देखिएको खाद्य प्रविधि तथा गुण नियन्त्रण कार्यालयका खाद्य निरिक्षक प्रमिला गुरुङले बताइन्।

यस्तै बुटवल–९, कालिकापथमा रहेको न्यू पुरक फेन्सीले उपभोक्ता हीत विपरितको कसुर गरेको भन्दै पाँच हजार रुपैयाँ जरिवाना गराइएको थियो। उक्त पसललाई उपभोक्ता संरक्षण ऐन २०७५ को दफा ३८ (३) बमोजिमको कसुर गरेको भन्दै जरिवाना गरिएको अनुगमन टोलीमा रहेका बाणिज्य कार्यालयका प्रमुख टेकराज भट्टराईले जानकारी दिए।

सामान बिक्री वितरण नगर्न सचेत गराउनुका साथै सामान जफत गरेर नष्ट गरिएको थियो। कतिपय पसलमा सामान नष्ट र जरिमाना समेत तिराइएको थियो।

बुटवलको सुख्खानगरमा रहेको पैचो पसल प्रालिमा पनि अनुगमन गरिएको छ। त्यहाँ प्याक गरिएका केही सामानमा लेबल नदेखिएकाले व्यवसाय दर्ता कागजात लिई उपमहानगरमा उपस्थित हुन निर्देशन दिईएको अनुगन समितिले जनाएको छ।

यसैगरी बुटवल–८ मै रहेको सुरभी मिष्ठान भण्डार सुरभी लज एण्ड रेष्टुरेष्टमा पनि अनुगमन गरिएको थियो। त्यहाँ दर्ता प्रमाणपत्र नवीकरण नभएको र तीन दिन भित्र नवीकरण गर्न निर्देशन दिइएको छ।

भाटभटेनी सुपर मार्केट बुटवलमा पनि अनुगमन गरिएको छ। बुटवल उपमहानगरपालिका, खाद्य प्रविधि तथा गुण नियन्त्रण कार्यालय, इलाका प्रहरी कार्यालय, वाणिज्य कार्यालय, उपभोक्ता हित संरक्षण मञ्च र संचारकर्मीहरुको उपस्थितिमा त्यहाँ अनुगमन गरिएको हो।

भाटभटेनीमा प्रमाणपत्रहरु सबै अध्यावधिक रहेको साथै तरकारी बाहेकको अन्य सामानहरु केन्द्रबाट खरिद गरी पठाउने गरेको पाइएको बुटवल उपमहानगरपालिकाका वरिष्ठ अधिकृत भुवाप्रसाद लुइँटेलले जानकारी दिए।

बुटवल उपमहानगरपालिकाका अनुगमन समिति संयोजक तथा उपप्रमुख गुमादेवी आचार्यले बजार अनुगमनसंगै उपभोक्तामा जागरण ल्याउने अभियानको पनि खाँचो रहेको उल्लेख गरेकी छन्। उपभोक्ताहरुले आफुले खरिद गर्ने वस्तु वा सामानको उत्पादन मिति, समाप्ति मिति, आदि हेरेर किन्न सुझाव दिइन्।

from देशसञ्चार https://ift.tt/3AYyY2h
https://ift.tt/eA8V8J