साढे १० लाखसहित दुईजना पक्राउ
वीरगंज, १३ भदौ ।
हुन्डी कारोबार गरेको आरोपमा पर्सा प्रहरीले दुईजनालाई साढे १० लाखसहित पक्राउ गरेको छ ।
शनिवार साँझ ६ बजे इलाका प्रहरी कार्यालय जानकीटोलाले जगरनाथपुर गाउँपालिका–२ स्थित सडकमा चेकजाँच गर्ने क्रममा भारतबाट नेपालतर्फ आउँदै गरेको नम्बर नभएको मोटरसाइकलमा सवार भारत, बिहार पश्चिम चम्पारण इनर्वा निवासी ४५ वर्षीय बृजकिशोर गिरी र धोबिनी गाउँपालिका–२ गुलरिया निवासी ५० वर्षीय रामपुकार पटेललाई पक्राउ गरिएको प्रहरीले जनाएको छ ।
उनीहरुको साथबाट श्रोत नखुलेको नेरु दश लाख त्रिसठ्ठी हजार र भारु १ हजार ६ सय बरामद भएको प्रहरीले जनाएको छ ।
पक्राउ परेका दुवैजनालाई बैंक तथा वित्तीय संस्था सम्बन्धी ऐन, २०७३ बिरूद्वको कसूरमा अनुसन्धान भइरहेको प्रहरीले जनाएको छ ।
Comments
Post a Comment