Trinetra Dainik

वीरगंज, १७ जेठ/ लगातार बढ्दै गएको तापक्रमले पर्सावासीको जनजीवनलाई नराम्ररी प्रभावित गरेको छ । लामो समयदेखि वर्षा नहुँदा दिउँसोको तापाक्रम ४४ डिग्री पुग्न थालेपछि त्यसकारण बिरामी हुनेको संख्या बढ्दै गएको छ । गर्मी बढेसँगै वीरगञ्जको नारायणी अस्पतालमा पखाला, निमोनिया, ज्वरोका बिरामीको संख्या बढेको चिकित्सकले बताएका छन् । गर्मीबाट सबैभन्दा बढी बालबालिका  तथा वृद्धवृद्धा बढी प्रभावित भएको नारायणी अस्पतालका वरिष्ठ फिजिसियन तथा आकस्मिक औषधि विशेषज्ञ डा उदयनारायण सिंहले जानकारी दिनुभयो । गर्मी बढेसँगै पर्सामा 'हिट स्ट्रोक' अर्थात 'लू' लाग्ने जोखिमसमेत बढ्दै गएको उहाँले बताउनुभयो । दिउँसोको समयमा तापक्रम उच्च भएका बेला चल्ने गरम हावाले दैनिक ज्यालादारी तथा कडा श्रम गर्ने व्यक्तिलाई लु लाग्ने जोखिम बढेको चिकित्सक सिंहको भनाइ छ । बढ्दो गर्मीबाट जोगिन फलफूलको जुस, पानी लगायतका तरल पर्दाथको सेवनलाई बढाउनाका साथै काम नभए दिउँसोको समयमा घरबाहिर नस्किन उहाँले सर्वसाधारणलाई सुझाव दिनुभयो । नारायणी अस्पतालको बहिरङ्ग विभागमा दैनिक छ सयको हाराहारीका बिरामी उपचारका लागि आउने गरेकामा हाल ...

महोत्तरी, १६ जेठ । महोत्तरीमा एक समूहले दिनदहाडै बैंक लुटेका छन। महोत्तरी गाउँँपालिका–२, महोत्तरी बजारस्थित एनएमबी बैंकको शाखामा मंगलवार मध्यान्ह १२ बजेको समयमा लुटपाट भएको प्रहरीले जनाएको छ। मंगलवार बैंकमा प्रवेश गरेका हतियारधारी समूहले काउन्टरमा पेस्तोल देखाएर ३८ लाख रुपियाँँ लुटपाट गरेको लुटपाट गरेको महोत्तरी प्रहरी प्रबक्ता एवं डिएसपी दिलीप कुमार गिरिले जानकारी दिए। प्रहरीका अनुसार १२ बजेको समयमा चारजनाको एक समूहले काउन्टरमा पेस्तोल देखाएर ३८ लाख रुपियाँँ लुटेर फरार भएका छन।   उनीहरू मास्क लगाएर बैंकमा प्रवेश गरी बैंक लुटेपछि  मोटरसाइकलमा भागेका थिए। फरार उनीहरूलाई  अहिले प्रहरीले खोजी रहेको छ। प्रत्यक्षदर्शीका अनुसार ४ जनाको समूहमा आएका अपरिचित व्यक्तिहरूले बैंकमा लुटपाट गरेका थिए । बैंक लुटपाट गरेपछि मोटरसाइकलमा दुर्ईजना पर्सातिर र दुर्ईजना प्रकौलितिर भागेका छन् । बैंकबाट प्रहरी चौकी करिब ७ सय मिटरको दुरीमा छन् । 

जनकपुर, १६ जेठ ।  महोत्तरीमा एनएमबी बैंकबाट रकम लुटपाट भएको छ ।  महोत्तरी गाउँपालिकास्थित एनएमबि बैंकको शाखाबाट हतियारधारी समूहले रकम लुटपाट गरेको जिल्ला प्रहरी कार्यालय महोत्तरीका प्रमुख एसपी प्रकाश मल्लले बताए । उनका अनुसार हतियारधारी समूहले हतियार देखाएर क्यास काउन्टरबाट रकम लुटेर लगेको हो । उनीहरूले कति रकम लुटपाट गरे भन्ने खुलेको छैन ।

वीरगंज, १६ जेठ । नगरप्रमुख राजेशमान सिंहले बहिरा बालबालिकाको उज्ज्वल भविष्यको लागि सबै एकजुट भएर काम गर्नुपर्ने बताएका छन् । मङ्गलवारदेखि वीरगंजमा शुरू भएको सरोकारवालाहरूका लागि १० दिने आधारभूत सांकेतिक भाषा तालिमको उदघाटन गर्दै उनले बहिरा विद्यार्थीका लागि बसको व्यवस्था मिलाउने बताए । बहिरा विद्यार्थीहरूको आवागमन सहज बनाउन यातायातको प्रबन्ध मिलाउने बताएका हुन् । वीरगंज महानगर क्षेत्रमा २ सय जना बहिरा विद्यार्थी रहेको भन्दै उनले उनीहरूको शिक्षाको प्रबन्ध महानगरले गरिरहेको पनि बताए । अहिले पठन पाठन भइरहेको स्थानबाट सारेर अर्काे स्थानमा सुविधासम्पन्न विद्यालय बनाउने काम अघि बढाइएको भन्दै उनले बहिराहरूको विचार भावना बुझ्न सकियोस भनेरै महानगरले सांकेतिक भाषाको तालिमका लागि सहयोग गरेको पनि बताए। तालिममा १५ जना महिला पुरूषको सहभागीता छ । पर्सा बहिरा संघकी उपाध्यक्ष समिक्षा सापकोटाको सभापतिŒवमा सम्पन्न उदघाटन कार्यक्रममा महानगरका शिक्षा महाशाखा प्रमुख अरविन्दलाल कर्ण, बहिरा संघ पर्साका अध्यक्ष सगुन श्रेष्ठ लगायतको उपस्थिति रहेको थियो । कार्यक्रमको सहजिकरण अर्चना कर्णले गरेकी थिइन् ।

वीरगंज, १४ जेठ । पर्साको सिर्सिया नदीलाई प्रदुषण मुक्त बनाउने अभियानका साथ वीरगञ्जबाट काठमाडौंसम्म पैदल आएका अभियन्ताहरूले आइतवार माइतीघरमा धर्ना दिएका छन् । १० दिन पैदल हिँडेर काठमाडौं आइपुगेका उनीहरूले बारा औद्योगिक करिडोरका उद्योगबाट निस्किने फोहोरका कारण सिर्सिया नदी प्रदूषित हुँदै आएको भन्दै नदीलाई प्रदुषणमुक्त बनाउन ध्यानाकर्षण गराएका हुन् । बाराको सिमराभन्दा पश्चिम पर्ने रामवनस्थित वनबाट बग्न शुरू गरेको सिर्सिया नदी पर्साको वीरगञ्ज शहर हुँदै भारतको रक्सौलसम्म पुगेको छ । पर्सा–बारा औद्योगिक करिडोरका उद्योगबाट रसायनयुक्त पानी र फोहर सिधै नदीमै विसर्जन हुँदै आएका कारण सिर्सिया नदी विगत तीन दशक यता प्रदूषित बनेको हो । औद्योगिक करिडोरमा रहेका छाला, डिस्टीलरी, टेक्सटाइल, घ्यू, साबुनलगायतका उद्योगबाट निस्कने रसायनयुक्त पानी सो खोलामा बगाइनछ । जीवजन्तुका सडेगलेका छाला, रौँ, खरानी, लेदोलगायतका विकार प्रशोधन नगरी नदीमा सिधै बगाउँने गरिन्छ । जसले गर्दा सिर्सिया नदी प्रदूषित र दुर्गन्धित बनेको हो । सिर्सिया नदी आसपासका स्थानीयले प्रदूषण रोक्न माग गर्दैै पटकपटक आन्दोलन समेत गर्दै आएका छ...

बारा, १३ जेठ । मधेस प्रदेशका वन तथा वातावरण मन्त्री रमेशप्रसाद कुर्मीले  वन जङ्गल काटेर सडक, रेलमार्ग, विमानस्थल गर्न लागेको बताएका छन् । शनिवार गढीमाई साझेदारी वन उपभोक्ता समूहको दोस्रो साधारण सभा कार्यक्रममा बोल्दै वन मन्त्री कुर्मीले पानीको श्रोतको संरक्षणका लागि पनि सम्पूर्ण व्यक्ति मिलेर जङ्गल जोगाउन आग्रह गरेका छन् । 'हामी कानुन निर्माण गरेर वनको जग्गा वितरण गर्न रोक्दै छौ, हाम्रो वनको जमिन कुनै पनि हालतमा सुकुम्वासीको नाममा दिनेवाला छैनौ' मन्त्री कुर्मीले भने । निजगढ अन्तर्राष्ट्रिय विमानस्थलको काम अगाडि बढाउन प्रदेश सरकारको भूमिकाको विषयमा मन्त्री कुर्मीले जङ्गलको विनाश कत्ति हुन्छ र त्यसबाट हुने फाइदालाई लिएर मात्रै अगाडि बढ्ने बताएका छन् । राष्ट्रिय भूमि आयोगले कानुन बनाएर वनको जग्गा भूमिहीन र सुकुम्वासीको नाममा वितरण गरेको बताएका छन् । 'भूमि आयोगको कुदृष्टि वनको जग्गामा परेको छ, 'अहिले कानुन बनाएर आयोगले भूमिहीनको नाममा वितरण गरिरहेको छ यसलाई रोक्न मैले आफ्नो तर्पmबाट विश्वास दिलाउन चाहन्छु, खास गरी मधेसको सबैभन्दा ठुलो सम्पत्ति जल, जङ्गल, जमिनमाथि आक्रमणको...

काठमाडौं, १३ जेठ । मिस नेपाल वल्र्डको उपाधि श्रीच्छा प्रधानले जितेकी छन् । शनिवार ललितपुरको गोदावरीमा सम्पन्न अन्तिम स्पर्धामा उनले २३ प्रतियोगीलाई पछि पार्दै उपाधि चुमेकी हुन् । उनलाई गत वर्षकी मिस नेपाल प्रियंकारानी जोशी ताज लगाइदिएकी छन् । प्रधान काठमाडौंकी हुन् । उनी लिबरल आर्टस्रसासाइन्स मा स्नातक छिन् । त्यस्तै रैना मजगैया मिस नेपाल अर्थ र प्रसिद्धी शाह मिस नेपाल इन्टरनेशनल घोषित भएका छन् । दाड्ढी मजगैया कमर्सियल पाइलट हुन् भने ललितपुरबाट प्रतियोगी शाह वातावरण विज्ञानमा स्नातक हुन् । उनी पहिलो मिस नेपाल रूवि राणाकी छोरी पनि हुन् । गोदावरीको सनराइज कन्भेन्सन सेन्टरमा आयोजित अन्तिमस्पर्धामा २४ जनाले प्रतिस्पर्धा गरेका थिए । कार्यक्रममा अभया सुब्बाले सांगीतिक प्रस्तुति दिएकी थिइन् ।

प्रस, वीरगंज, १२ जेठ/ वीरगंज महानगरपालिका–१५ बसपार्कस्थित होटेल लक्ष्मी एण्ड पार्टी प्यालेसमा प्रहरीले छापा मारी होटल सञ्चालकसहित आठ जनालाई नियन्त्रणमा लिएको छ ।   पक्राउ पर्नेमा होटल सञ्चालक जीराभवानी गाउँपालिका–१ निवासी विनोद मुखियासहित दुर्ई भारतीय कमलेश कुमार र सतिश कुमार र पाँचजना युवती रहेको जिप्रका, पर्साका प्रहरी प्रबक्ता डिएसपी दीपक गिरीले जानकारी दिए। पक्राउ परेका आठै जनालाई अभद्र ब्यवहार मुदामा प्रहरी हिरासतमा राखी थप अनुसन्धान भइरहेको गिरीले बताए । यौनधन्दा चलाएको उजूरीको आधारमा उनीहरुलाई बिहीवार साँझ पक्राउ गरिएको प्रहरीले जनाएको छ । स्रोत अनुसार होटल सञ्चालक मुखियाले कोठा भाडामा लिन आउने ग्राहकलाई आफूसँग केटिपनि उपलब्ध रहेको बताउने गरेका थिए । त्यसपछि ग्राहकलाई ह्वाट्सएप र भाइबर मार्पmत उनले केटीको फोटो पठाउँथे, ग्राहकले मनपाएको केटीलाई आफ्नै होटलमा बोलाएर यौन धन्दा सञ्चालन गर्थे । मुखियाले होटलमा लामो समयदेखि यौन धन्दा चलाउँदै आएको स्थानीय बताउँछन् । त्यसो नगर्न चेतवानी दिँदापनि नमानेपछि प्रहरीलाई जानकारी गराइएको उनीहरूको भनाई छ ।

वीरगंज, १२ जेठ/ जिल्ला प्रहरी कार्यालय, पर्साले १० किलो लागूऔषध चरेससहित एकजनालाई पक्राउ गरेको जनाएको छ ।   आज बिहान १०ः०० बजे पर्सा जिल्ला कालिकामाई गाउँपालिका–१ स्थित नहर सडक खण्डमा प्रहरी चौकी आशवारीले चेकजाँच गर्ने क्रममा बिआर२२एटी ८४९८ नम्बरको मोटरसाइकलमा सवार सोही ठाउँ निवासी २१ वर्षीय अनिल पासवानलाई लागूऔषधसहित पक्राउ गरिएको जिप्रका, पर्साले जनाएको छ ।   पासवानले बोकेको झोलाभित्र २० प्याकेट (५०० ग्राम प्रतिप्याकेट) चरेस १० किलो बरामद भएको र इलाका प्रहरी कार्यालय पोखरिया अनुसन्धानको लागि राखिएको जिप्रका, पर्साले जनाएको छ । 

रौतहट, ११ जेठ । रौतहटमा एकजना वृद्धको गोली प्रहार गरी हत्या गरिएको छ । देवाही गोनाही वडा नम्बर १ निवासी ७० वर्षीय शेख तैयबको टाउकोमा गोली प्रहार गरी हत्या भएको प्रहरीले जनाएको छ । करुणियाबाट लक्षिमिनया जाने मन्दिर नजिक बाटोमा बिहीवार बिहान शब भेटिएको मृतकका छोरा शेख असलमले बताएका छन् । राति १२ बजेको समयमा पटाका पड्किएको र गोली चलेको अवाज सुनिएको मृतकका भतिजो शेख इमताफले बताए । घटनाबारे अनुसन्धान भइरहेको जिल्ला प्रहरी कार्यालय, रौतहटले जनाएको छ । 

वीरगंज, ११ जेठ । भारतमा भइरहेको आइपिएल क्रिकेटको सट्टाबाजीमा संलग्न रहेको आरोपमा चारजना वीरगंजबाट पक्राउ परेका छन् ।   बुधवार राति वीरगंज महानगर–१५ स्थित सञ्जय श्रीवास्तवको तीन तल्ले घरमा मुम्बइ इन्डियन भर्सेज लखनउ सुपर गैन्ड आइपिएल क्रिकेट खेलको सट्टाबाजी गराइरहेको आरोपमा चारजनालाई पक्राउ गरिएको जिल्ला प्रहरी कार्यालय, पर्साले जनाएको छ ।   प्रहरीले बारा, कलैया उपमहानगरपालिका–४ बस्ने ३१ वर्षीय सरोज साह, सर्लाही, रामनगर गाउँपालिका–६ बस्ने ३५ वर्षीय सन्तोषकुमार यादव, वीरगंज महानगरपालिका–२४ बस्ने ३४ वर्षीय धुरेन्द्रप्रसाद यादव र भारत, उत्तरप्रदेश गोरखपुर देवरिया बस्ने ५२ वर्षीय धर्मनाथप्रसाद जैसवाललाई पक्राउ गरिएको जिप्रका, पर्साले जनाएको छ ।   उनीहरुबाट नेरु तीन लाख ९० हजार पाँच सय र भारु १५ हजार सात सय बरामद भएको तथा क्रिकेटको सट्टा खेलाउन प्रयोग हुने टिभी लगायत प्रमाणहरु बरामद भएको जिप्रका, पर्साले जनाएको छ । पक्राउ परेकाहरुलाई अनलाइन सट्टाबाजी सम्बन्धी कसूरमा म्याद थप गरी अनुसन्धान भइरहेको जिप्रका, पर्साले जनाएको छ ।

वीरगंज, १० जेठ । अख्तियार दुरूपयोग अनुसन्धान आयोगको कार्यालय हेटौंडाको टोलीले मंगलवार छिपहरमाई गाउँपालिका कार्यालयमा छापा मारेर उजुरी परेका योजना सम्बन्धी फाइल र कागजातहरू नियन्त्रणमा लिएको छ । गाउँपालिकाको काम कारबाई र विकास निर्माणमा गरिएको भ्रष्टाचारविरूद्ध परेका उजुरी सम्बन्धी कागजात माग गर्दापनि गापा कार्यालयले  उपलब्ध नगराएपछि मंगलवार अख्तियार टोलीले कागजात नियन्त्रणमा लिएको अख्तियारका सूचना अधिकारी विष्णुप्रसाद सापकोटाले जानकारी दिए । उनले गाउँपालिकाका अध्यक्ष र प्रमुख प्रशासकीय अधिकृतविरूद्ध १५ वटा उजुरी परेको बताए । यसबारेमा गापा अध्यक्ष्F मनोज गुप्ताले छापामारी नभएको दावी गर्दै परेको उजुरी सम्बन्धी कागजातहरू अध्ययनका लागि अख्तियार टोलीले लगेको बताएका छन् । 

वीरगंज, १० जेठ । नेपाल शिक्षक महासंघ पर्साले थप संघर्षका कार्यक्रमहरू सार्वजनिक गर्दै आज सामुदायिक विद्यालयमा छैठौं र सातौं घण्टी बहिष्कार गरेको छ ।   जेठ ७ गतेदेखि हातमा कालोपट्टी बाँधेर आन्दोलन शुरू गरेको शिक्षकहरूले जेठ ८ र ९ गते वीरगंज महानगरपालिकाको मुल गेटमा धर्ना दिएका थिए भने आज उनीहरुले दुई घण्टी कक्षा बहिष्कार गरेका हुन् । स्थानीय तहले नियम विपरित शिक्षकहरूको सरूवा, घटुवा लगायतका काम गरेको विरोधमा चरणबद्ध आन्दोलनमा रहेका शिक्षकहरूको संगठन नेपाल शिक्षक महासंघले आजदेखि थप संघर्षका कार्यक्रम घोषणा गरेको शिक्षक महासंघ पर्साका अध्यक्ष तीर्थराज यादवले जानकारी दिनुभयो । त्यस्तै जेठ ११ गते भोली टिफिन पछिको सबै घण्टी बहिष्कार गर्ने, जेष्ठ १२ गते हाजिरी गरेर सबै घण्टी बहिष्कार गर्ने र जेष्ठ १३ गते नेपाल शिक्षक महासंघको कार्यालयमा बसि थप कार्यक्रमको तयारी गर्ने बताईएको छ ।

जलेश्वर, १० जेठ/  सरकारले मिटरब्याजीलाई कारबाई गर्न कानुन ल्याएसँगै महोत्तरीमा मिटरब्याजीविरूद्ध धमाधम उजुरी पर्न थालेको छ । जिल्ला प्रशासन कार्यालयका सहायक प्रमुख जिल्ला अधिकारी उपेन्द्र न्यौपानेका अनुसार महोत्तरीमा हालसम्म मिटरब्याजीविरूद्ध एक हजार सात सय ३४ उजुरी दर्ता भएका छन् । सरकारले अध्यादेश ल्याउँदै अनुचित लेनदेन (मिटरब्याज) गरेका व्यक्तिलाई कारबाई गर्ने भन्दै पीडितलाई जिल्ला प्रशासन कार्यालयमा उजुरी दर्ता गराउन समय दिएपछि अहिले महोत्तरीमा मिटरब्याजीविरूद्ध उजुरी दर्ता गराउनेको संख्या बढ्दै गएको हो । गत वैशाख १८ गतेदेखि पीडितले जिल्ला प्रशासन कार्यालयमा उजुरी दर्ता गर्न थालेका हुन् । यो क्रम जारी रहेको छ । जिल्ला प्रशासन कार्यालयले मिटरब्याजीविरूद्ध उजुरी दर्ता गराउन आउने पीडितका लागि सूचना सङ्कलन गर्ने, परामर्श दिने र उजुरी दर्ता गर्ने काम गरिरहेको छ । यसअघि जिल्ला प्रशासनले मिटरब्याजीविरूद्ध सरकारको उजुरी दर्ता गराउने अवधि किटान हुनु अगाडि पनि जिल्ला प्रशासन कार्यालयले मिटरब्याजीविरूद्ध तीन सय २१ ठाडो निवेदन दर्ता गरेर आवश्यक कारबाई प्रक्रिया अगाडि बढाएको थियो । तीन सय २...

बारा, ९ जेठ ।   बाराको जीतपुरसिमरा उपमहानगरपालिका १४ स्थित खयरघारीमा चितुवाको आक्रमणबाट एक महिला गम्भीर घाइते भएकी छन् । मंगलवार चितुवाले आक्रमण गर्दा घाइते हुनेमा स्थानीय ३५ वर्षीय प्रमिला थिङ रहेकी छन् । डिभिजन वन कार्यालय बाराले प्रमिलालाई आक्रमण गर्ने बाघभन्दा पनि ठूलो प्रजातिको चितुवा भएको बताएको छ ।   चितुवाको आक्रमणबाट उनको शरीरको विभिन्न भागमा चोट लागेको प्रहरीले बताएको छ । प्रमिलाको  वीरगंजस्थित नेशनल मेडिकल कलेजमा उपचार भइरहेको प्रहरीले बताएको छ । जीतपुरसिमरा उपमहानगरपालिका वडा नं. १४ की वडाध्यक्ष चयन गुरूङले प्रमिलाको अवस्था खतरामुक्त रहेको  स्थानीय कपिल खरेलले बताए । प्रमिलालाई घर नजिकैको जंगलमा बाघले आक्रमण गरेको हो ।  

जनकपुर, ९ जेठ ।  प्रहरीले धनुषाबाट हुन्डीको नगद सहित एक जना युवकलाई पक्राउ गरेको छ । पक्राउ पर्नेमा भारतको सितामढी घर भएका २५ वर्षीय रन्धिर ठाकुर छन् । जनकपुर उपमहानगरपालिका–६ डोम्बाबारीमा ठाकुरले बोकेको झोला चेकजाँच गर्दा २० लाख नगद भेटिएको जिल्ला प्रहरी कार्यालय धनुषाका डिएसपी वेद प्रसाद गौतमले रातोपाटीलाई बताए । आरोपीले नगदको स्रोत खुलाउन सकेका छैनन् । आरोपीबारे अनुसन्धान भइरहेको डिएसपी गौतमले जानकारी दिए । 

वीरगन्ज, ९ जेठ  गुणस्तर तथा नापतौल कार्यालय वीरगन्ज पर्साले इजाजत नलिई नापतौल यन्त्र प्रयोग गर्ने चालु आर्थिक वर्ष २०७९÷८० को १० महिनामा रौतहट र चितवनका १८ व्यापारीविरुद्ध अदालतमा मुद्दा दायर गरेको छ ।   कार्यालयले कम नापतौलमा सामान बिक्री गरेर उपभोक्तालाई ठगी गर्ने तथा इजाजत नलिई कारोबार गर्ने रौतहटका १३ र चितवनका पाँच गरी १८ व्यापारीमाथि सम्बन्धित जिल्लाको जिल्ला अदालतमा मुद्दा दायर गरिएको गुणस्तर तथा नापतौल कार्यालय वीरगन्जका प्रमुख मनिष दासले जानकारी दिनुभयो । इजाजत नलिई नापतौल गर्ने यन्त्रको प्रयोग गर्ने रौतहटको पशुपति फेन्सी, माँ लक्ष्मी सुनचाँदी ज्वेलर्स, न्यू प्रिया ज्वेलर्स, रामबलराम ट्रेडर्स, रिसब ट्रेडर्स, बैजु किराना एण्ड जेनरल सटार्स, सरोज बिज भण्डार, कृष्णा राइस मिल, बाबा विश्वकर्मा राइस मिल, पप्पु हार्डवेयर एण्ड मेसिनरी, लक्ष्मी हार्डवेयर, रोशन हार्डवेयर र जय बजरङ्गवली ट्रेडर्सविरुद्ध अदालतमा मुद्दा दायर गरिएको प्रमुख दासले बताउनुभयो । चितवनको खजुरीको नेपाल प्रालि, खुन्हा एक्सपोर्ट एण्ड इम्पोर्ट प्रालि, प्यासिफिक एक्जिम नेपाल प्रालि, याक ब्रिबीङ्ग कम्पनी प्रालि र याक डिब...

रौतहट, ९ जेठ । मौलापुरमा मंगलबार बिहान चट्याङ लागेर एक महिलाको मृत्यु भएको छ । वर्षा, हावाहुरीसँगै परेको चट्याङ लागेर मौलापुर, पतौरामा ३५ वर्षीया प्रतिमा देवीको मृत्यु भएको हो । पतौरा गाँउछेउ गोठनजिकै ट्युबेलमा पानी भर्ने क्रममा बिहान ७ बजे अचानक चट्याङ लागेको बताइएको छ । चट्याङ लागेर प्रतिमा देवीको घटनास्थलमै मृत्यु भएको इलाका प्रहरी कार्यालय मौलापुरका प्रमुख इन्स्पेक्टर नन्दकिशोर चौहानले बताए । शव पोष्टमार्टमका लागि जिल्ला अस्पताल गौर पठाइएको छ । 

वीरगंज, ९ जेठ । जिल्ला प्रशासन कार्यालय पर्सामा हालसम्म अनुचित लेनदेन (मिटरब्याजी) सम्बन्धी नौ सय ८४ वटा निवेदन दर्ता भएको छ । मिटरब्याजीहरूको कारण दुःख पाएको भन्दै पीडितले हालसम्म नौ सय ८४ वटा निवेदन दर्ता गराएको जिल्ला प्रशासन कार्यालय पर्साका मिटरब्याजी पीडित सहायता कक्षका प्रमुख गौरीशङ्करर साहले जानकारी दिनुभयो । सरकारले मिटरब्याजीविरूद्ध अध्यादेशमार्पmत कानुन बनाइ ठगी गर्ने साहुहरूलाई कानुनी कारबाई गर्ने निर्णय बमोजिम पीडितहरूले न्यायका लागि निवेदन दिएको उहाँले बताउनुभयो । जिल्ला प्रशासन कार्यालयले वैशाख १५ गते मिटरब्याजी पीडितहरूलाई निवेदन दिन सूचना निकालेपछि वैशाख १७ गतेदेखि निवेदन आउन शुरू भएको प्रमुख साहले बताउनुभयो । अधिकांश पीडितहरूले स्वयं आफैँ निवेदन लिएर जिल्ला प्रशासन कार्यालयमा निवेदन दर्ता गराउने उहाँको भनाइ छ ।   गरिबी र सोझोपनको फाइदा उठाउँदै साहुहरूले दिएको रकमको तिहाइ, चौथाइ कपाली कागज गराउनाका साथसाथै जग्गासमेत आफ्नो नाममा साहुहरूले दर्ता गराई अन्याय गरेको अधिकांश पीडितले उजुरीमा उल्लेख गरेका छन् ।  पीडितहरूको निवेदन दिने चाप बढेको हुनाले जेठ १४ गतेसम्म निवेदन ...

वीरगंज, ९ जेठ ।   प्रतिबन्धित भारतीय नोट रु एक लाख ७३ हजारसहित एकजना पक्राउ परेका छन् ।   वीरगंज महानगरपालिका–१६ रजत जयन्ती चोक सडकखण्डमा प्रहरी चौकी ईनर्वाले चेकजाँच गर्ने क्रममा भारतको रक्सौलबाट वीरगंज बजार आउंदै गरेका एकजनालाई प्रतिबन्धित भारुसहित पक्राउ गरिएको प्रहरीले जनाएको छ ।   ना २ प १११३ नं.को हिरो होण्डा मोटरसाइकलमा आइरहेका बारा कलैया उ.म.न.पा.वडा नं.१८ मोतिसर टोल बस्ने वर्ष ५४ को मेहीलाल प्रसाद साहलाई पक्राउ गरेको प्रहरीले जनाएको छ । उनले पछाडी भिरेको नेवी ब्लु रंगको झोलाभित्र लुकाएको भारतीय रू.५००।– दरका नोट ३४६ थान, रू.२००।– दरका नोट ३ थान र रू.१००।– का नोट ३ थान गरी जम्मा भारतीय रू. एक लाख तिहत्तर हजार नौ सय प्रतिबन्धित भारुसहित पक्राउ गरेको जिप्रका, पर्साले जनाएको छ ।   उनलाई आज राजश्व अनुसन्धान कार्यालय पथलैया, बारामा जिप्रका, पर्साले जनाएको छ । 

बारा, ८ जेठ । बाराको सुवर्ण गाउँँपालिकामा विद्यार्थीहरूको शान्तिपूर्ण आन्दोलन माथि प्रहरीले हस्तक्षेप गर्दा लाखौं क्षति हुनुको साथै कैयौं विद्यार्थी घाइते भएका छन् । सुवर्ण गापा–४ हर्दियामा रहेको श्री नेपाल राष्ट्रिय माध्यमिक विद्यालय हर्दिया,औरैयामा प्रधानाध्यापकको बिषयलाई लिएर विद्यार्थीहरू केही दिन देखि आन्दोलन रहेको सहकर्मी अजय यादव बियोगीले बताए । तर एक्कासि सुवर्ण  गाउँँपालिकाले हर्दिया माध्यमिकमा रहेका प्रधानाध्यापक रामएकबाल साहलाई आईतवार पत्र पठाएको झोकमा आज बिहानैदेखि विद्यार्थीहरू विद्यालयको हाता बाहिर आन्दोलन गर्दा सुनवाइ नभएपछि गाउँँपालिकाको कार्यालय कवही गोठ पुगेका थिए ।  तर प्रहरी र विद्यार्थी बिच दोहोर झडप भएको विद्यार्थी माथि प्रहरीले दमन गर्न थालेपछि विद्यार्थीहरू सुवर्ण गाउँँपालिकामा क्षति पुर्याएका हुन। सबै विद्यार्थीहरू हर्दिया विद्यालयमा आएपछि प्रहरीले विद्यालयमा दमन गर्न पुग्दा स्थानीयबासीको सहयोगमा प्रहरीलाई धपाईएको हर्दियाको स्थानीयबासीले जानकारी दिएका छन। यता प्रहरी र विद्यार्थी दुवै पक्षबिच घाइते भएको तर एकिन विवरण नआएको पनि बताईएको छ । अहिले घाइतेहरूको कलैय...

बारा, ५ जेठ, २०८० ।  जीतपुरसिमरा उपमहानगरपालिका–७ का पुराना एवं प्रतीक दैनिकका बारा विशेष संवाददातासमेत रहेका पत्रकार गम्भीरा सहनी अस्वस्थ भएपछि अस्पतालमा भर्ना भएका छन् । बिहीवार उनको स्वास्थ्यमा समस्या भएपछि कलैया जाने रोडस्थित एसएल न्यूरो अस्पतालमा उनी भर्ना भएका हुन् । उनको अस्पतालको आइसियुमा उपचार भइरहेको परिवार स्रोतले जनाएको छ ।   उनका छोरा ऋषि सहनीका अनुसार बुबाको एकातर्फको शरीर नचल्ने भएको, बोल्न पनि नसक्ने, अचेत अवस्थामा रहेको बताएका छन् । घरको आर्थिक अवस्था पनि कमजोर भएकोले बुबाको उपचारमा थुप्रै रकम खर्च भइसकेको र फेरि हुने भएकोले सहयोग गरिदिन उनका छोरा ऋषिले आग्रह गरेका छन् ।  जानकारी तथा सहयोगको लागि ९८४५०३८६८१ मा सम्पर्क गरिदिन ऋषिले आग्रह गरेका छन् ।   पत्नीको मृत्युपछि अस्वस्थ हुँदै आएका गम्भीरा सहनी हालै नेपाल सरकारबाट राष्ट्रिय पत्रकारिता पुरस्कार–२०७९ बाट पुरस्कृत भएका थिए । 

वीरगञ्ज, ४ जेठ  पर्साको वीरगञ्ज महानगपालिकाले ग्रामीण क्षेत्रका चार वडामा बर्थिङ सेन्टर (प्रसूति सेवा केन्द्र) र विशेषज्ञ डाक्टरसहितको बहिरङ्ग तथा ल्याब सेवा सञ्चालन गर्ने तयारी गरेको छ । गाउँबस्तीमै विशेषज्ञ चिकित्सकसहितको स्वास्थ्य सेवा पु¥याउन 'मेयर घरदैलो स्वास्थ्य शिविर कार्यक्रम' सञ्चालन गरेको महानगरपालिकाले सो कार्यक्रमलाई थप प्रभावकारी र दिगोपनका लागि ग्रामीण क्षेत्रका वडामा बर्थिङ सेन्टर विस्तारसँगै विशेषज्ञ चिकित्सकसहितको बहिरङ्ग सेवा सञ्चालन गर्ने तयारी गरेको हो । कार्यक्रमलाई दीर्घकालीन रुपमा सञ्चालन गर्नका लागि बर्थिङ सेन्टरमा नै गुणस्तरीय स्वास्थ्य सेवा उपलब्ध गराउने भएको वीरगञ्ज महानगरपालिकाका स्वास्थ्य तथा सामाजिक विकास महाशाखाका स्वाथ्य अधिकृत रितेश जयसवालले जानकारी दिनुभयो । अहिले महानगरको थप चार वडामा बर्थिङ सेन्टरबाट विशेषज्ञ डाक्टरसहितको बहिरङ्ग सेवा सञ्चालन गरिने छ । अर्को वर्ष पुनः अन्य स्थानमा स्थापना भएका बर्थिङ सेन्टरबाट सेवा सञ्चालन गरिने जयसवालले बताउनुभयो । हाल महानगरको वडा नम्बर २८ बबै र वडा नम्बर २१ लिपनी विर्तामा बर्थिङ सेन्टर सञ्चालनमा छ । ...

बारा २ जेष्ठ । लेखापढी कानुन व्यवसायीहरूले भू–सेवा सञ्चालनको म्याद बढाउन माग गर्दै जारी राखेको आन्दोलनका कारण मालपोत कार्यालयका कामकाज प्रभावित भएको छ । लेखापढी कानुन व्यवसायीहरूले पेन डाउन गरेपछि कार्यालयमा आउने सेवाग्राहीहरूको अनलाइन फर्म भरी दिने  कोही नभएपछि कार्यालयमा कर्मचारीहरू बसेपनि काम भने हुन सकेका छैन । जसका कारणले सेवाग्राहीहरूलाई मर्का परेको छ । भूमि सुधार तथा व्यवस्थापन विभागले मालपोतलाई बाँकी तालिम दिन निर्देशन दिएपनि मालपोत कार्यालयले अहिलेसम्म तालिम नै नदिई लेखापढी कानुन व्यवसायीहरूलाई काम गर्नेबाट वञ्चित गराउने उद्देश्यका साथ जेष्ठ १ गते देखि भू–सेवा सञ्चालनमा ल्याएको हुँदा ५४ जना लेखापढी कानुन व्यवसायीहरू मर्कामा परेको हुँदा आफूहरूले म्याद थपका लागि र तालिम दिनका लागि आन्दोलन गरिरहेको लेखापढी कानुन व्यवसायी संघ बाराको अध्यक्ष बृजकिशोर यादवले भन्नुभयो । मालपोत कार्यालयले पुस महिनामा भू– सेवा सञ्चालन गर्नका लागि सूचना प्रकाशित गरेको हुँदा लेखापढी कानुन व्यवसायीहरूले रु ५३ हजार धरौटी राखी अनलाइन फर्म भरेको भएपनि चैत्र १८ गते मात्र विभागले एक दिनको तालिम मात्र दिई झारो ...

वीरगंज, २ जेठ । वीरगंज महानगरपालिका वडा नम्बर ३० मा एसईई उत्तीर्ण गरी कक्षा ११ मा अध्ययनरत १६ जना छात्रालाई कम्प्युटर वितरण गरिएको वडाध्यक्ष मनोजकुमार यादवले बताएका छन् ।   नेपाल राष्ट्रिय आधारभूत विद्यालय लालपर्सामा आयोजित एक कार्यक्रमबीच छात्रालाई १६ थान डेस्कटप कम्प्युटर वितरण गरिएको वडाध्यक्ष मनोजकुमार यादवले बताए । वडाध्यक्ष यादवले आफ्नो चुनावी घोषणापत्रअनुसार एसईई उत्तीर्ण गरी हाल कक्षा ११ मा अध्ययनरत छात्राहरूलाई कम्प्युटर प्रदान गरिएको बताए । वडाध्यक्ष यादवले स्कुलमा कम्प्युटर कक्षा अध्ययन गरिरहेका विद्यार्थीहरूको गाउँँ कम्प्युटर नहुँदा पढाइ प्रभावित भइरहेको हुन्छ । ११ कक्षामा अध्ययनरत छात्रालाई कम्प्युटर प्रदान गर्दा नयाँ छात्राहरूलाई पनि पढाइप्रति हौसला बढ्छ,' उनले भने । यसपालि एसईई परीक्षामा सहभागी भएका छात्राहरूलाई असार मसान्तपछि डेस्कटप कम्प्युटर वितरण गर्ने बताए । 

वीरगंज, २ जेठ ।   बिलबिजकभन्दा बढी बिभिन्न किसिमका बेरिङ्गहरूसहित ट्याक्टर नियन्त्रणमा लिइ कारबाइको लागि राजस्व अनुसन्धान कार्यालय पथलैया, बारा बुझाएको जिल्ला प्रहरी कार्यालय, पर्साले जनाएको छ ।   वडा प्रहरी कार्यालय श्रीपुरले सोमवार साँझ वीरगंज महानगरपालिका वडा नं.२५ स्थित सडकखण्डबाट भारतीय नम्बरको ट्याक्टरलाई चेकजाँच गर्ने क्रममा बिलबिजक भन्दा बढी बेरिङ्गहरू देखिएपछि नियन्त्रणमा लिएको छ ।  बरामद बेरिङ र ट्याक्टर कारबाइको लागि आज राजश्व अनुसन्धान कार्यालय पथलैया, बारामा बुझाएको जिप्रका, पर्साले जनाएको छ । 

बारा, १ जेठ । आदर्शकोतवाल गाउँपालिका–१ च्यूटाहामा एकजनाको घरमा आइतवार राति आगलागी हुँदा परिवारका चार जना जलेर घाइते भएका छन । घुरबाट आगो सल्किएर घरमा आगलागी हुँदा ३५ वर्षीय मनोज यादव, उनकी श्रीमती ३० वर्षीया चेतरीदेवी, चार वर्षीय छोरा छोटु र तीन वर्षीय छोरा सन्दीप जलेर घाइते भएका हुन् । उनीहरूको नारायणी अस्पताल, वीरगंजमा उपचार भइरहेको छ। जिल्ला प्रहरी कार्यालय बाराका प्रवक्ता पुरूषोत्तम पाण्डेले घाइतेमध्ये चेतरीदेवीको अवस्था गम्भीर रहेको बताए । सुतिरहेको बेला अचानक घरमा आगलागी भएपछि स्थानीयले उद्धार गरी उनीहरूलाई अस्पताल लगेका थिए। आगलागीबाट घर पूर्ण रूपमा जलेर नष्ट भएको छ। घरमा आगलागी हुँदा सम्पूर्ण सामान, लत्ताकपडा, अन्न जलेर नष्ट भएको छ भने पशुचौपाया समेत घाइते भएका छन। जिल्ला प्रहरी कार्यालय बाराका प्रवक्ता पाण्डेका अनुसार आगलागीबाट ४ लाख १० हजार बराबरको क्षति भएको छ।

वीरगंज, १ जेठ । नेकपा एकीकृत समाजवादी पार्टीका अध्यक्ष माधवकुमार नेपालले नक्कली भुटानी शरणार्थी भ्रष्टाचार प्रकरणका दोषीलाई कारबाई गर्न सरकारले अन्तिम समय सम्म खुट्टा कमाउन नहुने कुरा बताउनु भएको हो । पर्साको वीरगंजमा समाजवादी प्रेस संगठन नेपाल पर्साले आयोजना गरेको पत्रकार सम्मेलमा संचारकर्मीहरूसंग कुराकानी गर्दै अध्यक्ष नेपालले यस्तो बताउनु भएको हो । भ्रष्टाचारीहरूलाई कारबाई गर्ने सवालमा नेकपा एस मबजुतीका साथ सरकारको साथमा रहेको अध्यक्ष नेपालले बताए । समाजवादी प्रेस संगठन नेपालका अध्यक्ष मनोज पटेलको अध्यक्षता सम्पन्न भएको पत्रकार सम्मेलनमा नेकपा एकीकृत समाजवादी पार्टीका केन्द्रीय सचिव नागेन्द्र चौधरी,दलित मुक्ति संगठनका केन्द्रीय अध्यक्ष गणेश बिक, नेकपा एसका पोलिट व्युरो सदस्य रामचन्द्र साह,  पर्सा अध्यक्ष बालगोपाल थापा लगायतको उपस्थित रहेको थियो ।

रौतहट, १ जेठ । पूर्व–पश्चिम महेन्द्र राजमार्गमा मोटरसाइकल र ट्याक्टर एक आपसमा ठोकिँदा मोटरसाइकल चालकको मृत्यु भएको छ । दुर्घटनामा परी नेपाल विद्युत प्राधिकरण चन्द्रपुर शाखामा कार्यरत ४१ वर्षीय गोपालकुमार यादवको मृत्यु भएको प्रहरीले जनाएको छ। गत राति ९ बजेको समयमा चन्द्रपुरबाट सर्लाहीस्थित घर जाने क्रममा चन्द्रनिगाहपुर–बागमती सडक खण्डको लच्का नजिकै मोटरसाइकल ट्याक्टरमा ठोकिँदा उनको घटनास्थलमै मृत्यु भएको प्रहरीको भनाई छ। पश्चिमबाट पूर्व जाँदै गरेको प्रदेश २–०३–०२० प २१९४ नम्बरको मोटरसाइकल विपरीत दिशाबाट आउँदै गरेको ना २ त २९८३ नम्बरको ट्याक्टरमा ठोक्किएको थियो । मृतक यादवको शव चन्द्रपुर स्थित प्राथमिक स्वास्थ्य केन्द्रमा पठाइएको छ भने ठक्कर दिने ट्याक्टर र चालकलाई नियन्त्रणमा राखेर अनुसन्धान भइरहेको इलाका प्रहरी कार्यालय चन्द्रपुरका प्रहरी निरीक्षक ठाकुर प्रसाद सापकोटाले बताए ।

चितवन, १ जेठ/  पूर्वपश्चिम राजमार्गको पर्सा बजारमा बस दुर्घटना हँुदा ३१ जना घाइते भएका छन् । कलैयाबाट काठमाडौंतर्पm आउँदै गरेको बागमती प्रदेश ०३–००१ ख २५६१ नम्बरको बस आफैँ अनियन्त्रित भई गएराती दुर्घटना भएको हो । खैरहनी नगरपालिका–८ पर्सा बजारमा बस दुर्घटना भएको इलाका प्रहरी कार्यालय खैरहनीले जनाएको छ ।  बस अनियन्त्रित भई सडक छेउमा पल्टिएको हो ।  दुर्घटनामा घाइते सबैको पुरानो मेडिकल कलेजमा उपचार भइरहेको प्रहरीले जनाएको छ ।  घाइतेमध्ये एक जनाको अवस्था गम्भीर रहेको र १४ जना मध्यम घाइते भएको प्रहरीले जनाएको छ । प्रहरीका अनुसार अन्य १६ जनाको अवस्था सामान्य रहेको छ । 

काठमाडौं, १ जेठ/ नेपाल चिकित्सक सङघ र एशोसिएशन अफ प्राइभेट हेल्थ इन्स्टिच्युसन नेपाल (अफिन) ले आजदेखि लागू हुने गरी चिकित्सकको परामर्श सेवा शुल्क बढाएको छ । सङघका महासचिव डा सञ्जीव तिवारीले आजदेखि लागू हुने गरी चिकित्सकको परामर्श शुल्क  पहिलेको शुल्कमा १४ प्रतिशत बढाइएको जानकारी दिनुभयो ।   सङघले चिकित्सको परामर्श शुल्क दुर्ई वर्षपछि  बढाएको हो । स्वास्थ्य तथा जनसंख्या मन्त्रालयको तर्पmबाट शुल्क पुनरावलोकन तथा निर्धारण नहुञ्जेलसम्मका लागि बहिरङ्ग सेवा शुल्क (ओपिडी)मा वैज्ञानिक तथा सरोकारवाला निकायको परामर्शको आधारमा शुल्क तोक्ने सकिने अख्तियारीलाई मुख्य आधार बनाएर नेपाल राष्ट्र बैंकको मुद्रास्फीति तथा शुल्क परामर्श समितिले सिफारिस गरेको आधारमा शुल्क बढाइएको उहाँले बतउनुभयो । महासचिव तिवारीले चिकित्सकको नयाँ परामर्श शुल्क रू नौ सय ४० देखि रू चार सय २० सम्म तोकिएको बताउनुभयो । नयाँ शुल्कअनुसार पाँच वर्षसम्म अनुभव भएका एमविविए तथा बिडिएस तहका चिकित्सकको शुल्क रू चार सय २०  र पाँच वर्षभन्दामाथि अनुभव भएकाको रू पाँच सय १५ तोकिएको छ ।   यस्तै अब पाँच वर्षसम्म अनुभव भएका डिप्लोमा तहका चिकित...

काठमाडौँ, १ जेठ   सरकारी खर्चको तुलनामा राजस्व सङ्कलन न्यून हुँदा वित्तीय घाटा बढ्दै गएको छ । महालेखा नियन्त्रक कार्यालयका अनुसार चालु आर्थिक वर्ष २०७९÷०८० को वैशाख मसान्तसम्म सरकारको आम्दानीभन्दा खर्च साढे दुई खर्बले बढी देखिएको हो । यो अवधिमा रू १० खर्ब ४७ अर्ब बराबर सरकारी खर्च हुँदा राजस्व सङ्कलन र अनुदान प्राप्ति भने रू सात खर्ब ९७ अर्ब बराबर मात्रै छ ।       महालेखा नियन्त्रक कार्यालयका अनुसार १० महिनामा सरकारले वार्षिक विनियोजनको ५८ दशमलव ४१ प्रतिशत बराबर बजेट खर्च गरेको छ । सरकारले चालु आर्थिक वर्षका लागि रू १७ खर्ब ९३ अर्ब ८३ करोड ७३ लाख बराबरको बजेट ल्याएको थियो । जसमध्ये हालसम्म रू १० खर्ब ४७ अर्ब ७६ करोड १० लाख बराबर खर्च भएको छ ।       वैशाख मसान्तसम्ममा चालु खर्च ६६ दशमलव ४९, पुँजीगत खर्च ३३ दशमलव ०४ र वित्तीय व्यवस्थातर्फको खर्च ५८ दशमलव ७९ प्रतिशत बराबर छ । चालु आर्थिक वर्षका लागि चालु शीर्षकमा रू ११ खर्ब ८३ अर्ब २३ करोड बराबरको बजेट ल्याइएकामा हालसम्म रू सात खर्ब ८६ अर्ब ७४ करोड बराबर खर्च भएको छ । त्यस्तै रू तीन खर्ब ८० अर्ब ३८ करोड बराबरको विकास बजेट चालु आर्थिक ...

रौतहट  शुक्रबार, २९ बैशाख २०८०  ।  कर्तव्य ज्यान मुद्दामा फरारको  सूचीमा रहेर हेटौँडामा कक्षा १२ को परीक्षा दिइरहेका एक जना अभियुक्त लाई रौतहट प्रहरीले पक्राउ गरेको छ। पक्राउ पर्नेमा स्थानीय वृन्दावन नगरपालिका ३ का भोजिन्द्र राय यादवको छोरा वर्ष २२ को विवेक यादव रहेको इलाका प्रहरी कार्यालय गरुडाका प्रमुख डिएसपी ओमप्रकाश खनालले बताए। हेटौडा स्थित  बहुमुखी क्याम्पसमा कक्षा १२ को परीक्षा दिई रहेको भनी गोप्य सूचनाको अधारमा इलाका प्रहरी कार्यालय गरुडाबाट खटिएको प्रहरी टोलीले जिल्ला प्रहरी कार्यालय मकवानपुर प्रहरी सँग समन्वय गरी  अभियुक्त विवेक  यादवलाई पक्राउ गरिएको डिएसपी खनालले जानकारी दिएका छन्। अभियुक्त यादवलाई आवश्यक कारबाहीको लागी सम्मानित  जिल्ला अदालत गौरमा बुझाइएको इलाका प्रहरी कार्यालय गरुडाले जनाएको छ।

काठमाडौँ, २९ वैशाख  अहिले प्रविधिमय जीवनमा कसैलाई केही भन्नु छ वा सन्देश पु¥याउनु सहज छ । प्रविधिले दिएको यो सहजताको समयमा गाउँ–गाउँ पुगेर चिट्ठी वितरण गर्ने हुलाकी अर्थात् 'हल्कारा'को कथामा बनेको चलचित्र आजदेखि प्रदर्शनमा आएको छ । कलात्मक शैलीलाई उजागर गरेर तयार गरिएको चलचित्र बजारमा आइरहेका मसालेदारभन्दा कम नरहेको निर्देशक विक्रम सापकोटाले जानकारी दिनुभयो । उहाँले नेपालमा गरिएका सोमार्फत चलचित्रले राम्रो प्रतिक्रिया पाइरहेको बताउनुभयो । "हामीले देखाउन खोजेको विषयलाई दर्शक बनेर विशेष प्रदर्शनीमा हेर्नुभएकाले महसुस गर्नुभयो । सार्वजनिक प्रदर्शनमा पनि दर्शकको मन जित्नेमा विश्वस्त छौँ", उहाँले भन्नुभयो, "हुलाकीको आँखाबाट भनिएको जीवनको मर्मस्पर्शी कथा बोकेको चलचित्रमा वैदेशिक रोजगारीको आयामलाई प्रस्तुत गरिएको छ ।" हुलाकीको सपना र अन्तरसङ्घर्षलाई प्रस्तुत गरिएको सो चलचित्रमा गाउँको परिस्थिति र सामाजिक सचेतना पनि समेटिएको छ । निर्देशक सापकोटा नेपालमा स्थापित चलचित्रको भाष्य शैलीमा समेत यसले परिवर्तन ल्याउनेमा विश्वस्त हुनुहुन्छ । उक्त चलचित्रमा महेश त्रिपाठी, विन...

जनकपुरधाम, २९ वैशाख  जनता समाजवादी पार्टी (जसपा) अध्यक्ष उपेन्द्र यादवले संसद्बाट दुई पटक पारित भइसकेको नेपाल नागरिकता ऐन, २०६३ लाई संशोधन गर्न बनेको विधेयक  प्रमाणीकरण गर्न राष्ट्रपतिलाई आग्रह गर्नुभएको छ । जनकपुरधाममा आज आयोजित पत्रकार सम्मेलनमा उहाँले सार्वभौम संसद्ले पारित गरेको कानुनलाई अड्काउन नपाइने भए पनि विगतमा गलत अभ्यास भएको आरोप लगाउनुभयो । "संसद्बाट पारित  कानुनलाई राष्ट्रपतिले पहिलो पटक फिर्ता पठाउने प्रावधान भए पनि दोस्रो पटक पठाउँदा १५ दिनभित्र प्रमाणीकरण गर्नुपर्ने प्रावधान छ । यदि प्रमाणीकरण नभएमा स्वतः कानुन बन्नुपर्ने हो ।  संसदीय अभ्यास भएका देशमा पनि यही अभ्यास छ", अध्यक्ष यादवले भन्नुभयो, "नेपालमा भने राष्ट्रपतिले प्रमाणीकरण नगरेपछि विधेयक वा अध्यादेश नै स्वतः निस्क्रिय हुने गलत काम भयो । अब वर्तमान राष्ट्रपतिले प्रमाणीकरण गर्नुपर्छ भन्ने मत सत्ता गठबन्धनको र त्यसो गर्दा कानुनसम्मत् नै हुन्छ भन्ने राय कानुनविद्को पनि छ ।" सङ्घीय लोकतान्त्रिक गणतन्त्रको संस्थागत विकासका लागि संविधान नै बाधक भएकाले त्यसलाई संशोधन गरेर अगाडि बढ्नुपर्ने भन्नुहुँदै...

जीतपुर २९ वैशाख  । शुकबार सुनको मूल्य बढेको छ भने चाँदीको मूल्य घटेको छ । नेपाल सुन चाँदी व्यवसायी महासंघका अनुसार सुनको मूल्य तोलामा २ सय र चाँदीको मूल्य ५५ रुपैयाँले घटेको छ । शुक्रबार छापावाल सुनको प्रतितोला मूल्य एक लाख ११ हजार ८ सय, तेजावी सुनको मूल्य एक लाख ११ हजार २५० र चाँदीको मूल्य १ हजार ३७५ रुपैयाँ तोकिएको छ । बिहीबार छापावाल सुनको प्रतितोला मूल्य एक लाख ११ हजार ६ सय, तेजावी सुनको मूल्य एक लाख ११ हजार ५० रुपैयाँ र चाँदीको मूल्य एक हजार ४३० रुपैयाँमा तोकिएको थियो । 

जीतपुर, २९ वैशाख । जीतपुरसिमरा उपमहानगरपालिका २३ भलुहीमा पिकअपको ठक्करबाट बसमा सवार यात्रीको मृत्यु भएको छ । मृत्यु हुनेमा पर्सा कालिकामाई गाउँँपालिका २ का नागेन्द्र महतो रहेका छन् । वीरगंजबाट काठमाडौंतर्प जादै गरेको ना६ख ९३६१ नम्बरको बसलाई विपरीत दिशाबाट आएको प्रदेश २–३ –००१ च २४५२ नम्बरको पिकअपले ठक्करबाट दिदा ५२ वर्षीय महतोको मृत्यु भएको हो । पिकअपले बसलाई ठक्कर दिदा झ्यालबाट टाउको निकालेका महतोलाई गम्भीर चोट लागेको थियो । घटनालगतै उनको मृत्यु भएको प्रहरीले जनाएको छ । पथलैया–वीरगंज व्यापारिक मार्ग अन्तर्गत भलुही चोकमा घटना भएको हो । बस र पिकअपका चालकलाई नियन्त्रणमा लिएको इलाका प्रहरी कार्यालय सिमराले जनाएको छ ।

वीरगंज, २८ वैशाख/ वीरगंज महानगरका प्रमुख राजेशमान सिंहले भोजपुरी भाषाको उत्थानको लागि सदैव तत्पर रहने बताएका छन् ।   भोजपुरी प्रतिष्ठान वीरगंजको आयोजना र  भाषा आयोगको सहकार्यमा बिहीवार क्लासिक होटेलमा 'मातृभाषा में शिक्षा के सन्दर्भः भोजपुरी में पठनपाठन' गोष्ठीमा बोल्दै उनले भोजपुरी भाषाको सम्बद्र्धन र संरक्षणमा सदैव तत्पर रहने बताए ।   कार्यक्रमका प्रमुख अतिथि भाषा आयोग नेपालका अध्यक्ष डा गोपाल ठाकुरले प्रारम्भिक शिक्षा मातृभाषामा सञ्चालन गरे सिकाई प्रक्रिया सहज हुने बताए । उनले स्थानीय भाषामा पठनपाठन लागू गर्नुपर्नेमा जोड दिए । कार्यक्रमका सहभागीहरूलाई अध्यक्ष डा ठाकुरले नेपालमा विभिन्न भाषाको इतिहासबारेमा प्रकाश पारेका थिए ।   वीरगंज मनपा शिक्षा शाखाका प्रमुख अरविन्दलाल कर्णले कुनै समुदायको इतिहास समाप्त गर्न उसको मातृभाषालाई समाप्त गरे पुग्ने बताए । उनले आआप्mनो मातृभाषाको संरक्षणमा सबै गम्भीरताको साथ लाग्नुपर्ने धारणा राखे । भाषा आयोगका सदस्य गोपाल अश्कले मातृभाषामा रोजगारी सिर्जना गर्नुपर्नेमा जोड दिए । उनले काठमाडौं महानगरपालिकामा मातृभाषाका ११५ जना शिक्षक दरबन्दी कायम...

महोत्तरी, २८ वैशाख/  उद्योग, वाणिज्य तथा आपूर्तिमन्त्री रमेश रिजालले स्थानीय तहले सीप विकास र बजार प्रबद्र्धनलाई कामको प्राथमिकतामा राख्न आग्रह गरेका छ ।   आज महोत्तरीको बर्दिबास नगर कार्यपालिकाका जनप्रतिनिधि र अगुवा राजनीतिक कार्यकर्तासँगको सामूहिक भेटमा मन्त्री रिजालले नगरका प्रत्येक बस्तीमा बजार बढाउन आग्रह गर्नुभयो ।   बर्दिबास नगर कार्यपालिकाको कार्यालयकै सभाहलमा आयोजित भेटघाटमा उहाँले सीप बढाउन, स्थानीय सीपअनुसारको उत्पादन बढाउन र उत्पादित सामग्रीको बजार बढाउनसके समृद्धिको यात्राले गति लिने उल्लेख गर्नुभयो । "जनतालाई सीपसँग, सीपलाई उत्पादनसँग र उत्पादित सामग्रीलाई बजारसँग जोडौँ" रिजालले भन्नुभयो, "स्थानीय तहले यसको नेतृत्व लिउन्, सरकार सहयोग गर्न तत्पर छ ।" प्रत्येक स्थानीय तहमा अब औद्योगिक ग्रामको अवधारणाअनुसार कामअघि बढाउन सम्बद्ध जनप्रतिनिधिले योजना बनाउन आवश्यक रहेको रिजालको भनाइ छ ।   नेपाली कांग्रेसका केन्द्रीय सदस्यसमेत रहनुभएका मन्त्री रिजालले अब दलहरूका नियमित साङ्गठनिक कामका योजनामा पनि जनताको जीवनस्तर उकास्ने स्पष्ट मार्गचित्र र तदनुरूपको काम देख...

जनकपुरधाम   २८ वैशाख  । सर्लाहीमा एक जना भारतीय युवकको हत्या भएको छ । सर्लाहीको हरिपुर्वा नगरपालिका-१ पथरा पुलनजिक झाडीमा भारत सितामढी ग्रामपञ्चायत सोनबरसा-९ का सिकु भनिने २८ वर्षीय शेखर सुमनको शव फेला परेको हो । बुधबार साँझ करिब ६  बजे झाडीमा टाउको देखेपछि स्थानीयले प्रहरीलाई खबर गरेका थिए ।युवकको टाउको र शरीर २०/२५ मिटरको दूरीमा फेला परेको सर्लाहीका प्रहरी प्रवक्ता डीएसपी कैलास राईले जानकारी दए । घटनास्थलको मुचुल्का गरी शव पोस्टमार्टमका लागि प्रादेशिक अस्पताल मलंगवा सर्लाहीमा लगिएको र घटना विषयमा थप अनुसन्धान गरिरहेको डिएसपी राईले बताए ।

प्रकाशित मिति : २०८० बैशाख २७ बुधबार | पर्सा । स्रोत नखुलेको बाह्र लाख रकमसहित २ जना पक्राउ परेका छन् ।  जिल्ला पर्सा बिन्दबासीनी गाउँपालिका वडा नं।५ प्रसौनीभाटा पुल स्थितमा यस कार्यालय मातहत प्रहरी चौकी प्रसौनीभठ्ठाबाट खटिएको चेकीङ टोलीले वीरगञ्जबाट प्रसौनीभाठ्ठातर्फ जाँदै गरेको BR 05 S 4702 न.को मोटरसाईकल रोकी कानूनी रीतपुर्याई खानतलासी गर्दा उक्त रकम फेला परेको हो । मोटरसाइकल पछाडि सवार भारत विहार जिल्ला पुर्वी चम्पारण ग्राम पञ्चायत भेलाही बस्ने बर्ष ४० को धनन्जय कुमार गुप्ताले बोकेको कालो झोलामा स्रोत नखुलेको नेपाली रु १००० दरका नोट ८०० थान र ५०० दरको नोट ८०० थान गरी जम्मा रु १२,००,००० फेला परेको हो । चालक वडा नं ६ बस्ने बर्ष २६ को मुसाहेब आलम र धनन्जय कुमार गुप्तालाई मो।सा।र नगद सहित नियन्त्रणमा लिई नेपाल राष्ट्र बैंक ऐन २०५८ बिरूद्धको कसूरमा २०८०।०१।२७ गते पर्सा जिल्ला अदालतबाट  पाँच दिन  म्याद थप अनुमति लिई थप अनुसन्धान तथा कारवाही भैरहेको प्रहरीले जनाएको छ। Virus-free. www.avast.com

वीरगंज, २७ वैशाख/ सामुदायिक सेवा केन्द्र श्रीपुर, मुर्लीले सचेतनामूलक पोस्टर पर्चा वितरण गरेको छ । समुदाय प्रहरी साझेदारी कार्यक्रम अन्तर्गत सामुदायिक सेवा केन्द्र श्रीपुर, मुर्लीले वीरगंजको मुख्य सडकमा विपद समयमा सचेत रहौं र सुरक्षित रहौं नाराका साथ २०५ जनालाई जनचेतनामूलक पर्चा पम्पलेट वितरण गरेको हो । केन्द्रका सचिव कुलनारायण (दिलीप) प्रधानको अध्यक्ष्Fतामा भएको कार्यक्रममा प्रहरी वरिष्ठ हवल्दार गणेशप्रसाद यादवलगायतले सचेतनामूलक पर्चा, पोस्टर वितरण गरेका थिए । 

वीरगंज, २७ वैशाख । बेहुला पक्षलाई स्वागत सत्कार नगरेको भन्दै विवाह गर्न नमान्ने बेहुला र उनका पितालाई बारा प्रहरीले पक्राउ गरेको छ । भारत जिल्ला पूर्वी चम्पारण ग्राम पञ्चायत कथवलिया सुगौली बस्ने २३ वर्षीय शशीकुमार चौरसिया र उनका पिता ४६ वर्षीय श्यामकान्त भगतलाई बारा प्रहरीले पक्राउ गरेको हो । आइतवार राति महागढीमाई नगरपालिका–६ बबुआईन बस्ने कालिचरण प्रसाद चौरसियाको छोरीसँग चौरसियाको बिहे तय भएको थियो । राति भारतबाट जन्ती लिएर आएका बेहुलाले जन्तीमा आएका पाहुनाहरूलाई बेहुली पक्षले स्वागत सत्कार नगरेको भन्दै बिहे नगर्ने भनि स्टेजबाट भाग्न थालेपछि विवाद भएको थियो ।   वरमाला हुने स्वयंबरको सजावट राम्रो नभएको र जन्तीहरूको सेवा–सत्कार राम्रो नभएको भन्दै बेहुला हिँड्न खोजेपछि बेहुली र बेहुलाका बाबुबीच विवाद बढेकोथियो ।   सोही क्रममा बेहुलाका बुबा श्यामकान्त भगतले बेहुलीका बुबालाई अश्लील शब्दहरू प्रयोग गरी हातपातसमेत गर्न खोजेको र बिहे नगर्ने भनि बेहुला भाग्न खोजेपछि विवाह मण्डपमा पुगेको प्रहरीले बेहुला र उनका बुबालाई पक्राउ गरेको बाराका प्रहरी प्रवक्ता डिएसपी पुरूषोत्तम पाण्डेले जानकारी दिए ।...

वीरगंज,२५ वैशाख । टिपरको ठक्करबाट वीरगंजमा दुर्ईजना गम्भीर घाइते भएका छन् । म.प्र ०३ ००१ ख ७६७९ नम्बरको टिपरको ठक्करबाट वीरगंज–३० लालपर्सा निवासी ३५ वर्षीया गीतादेवी मली र १८ वर्षका मिथुन मलि घाइते भएका हुन् । सोमवार बिहान साढे सात बजेको समयमा वीरगंज–३० लालपर्सा चोकमा बालुवा लोड गरेको टिपरले ना २७ प ४१५३ नम्बरको मोटरसाइकलमा सवार दुबैजनालाई ठक्कर दिएको थियो। ठक्करबाट गीता र मिथुन दुवै जना गम्भीर घाइते भएको प्रहरी चौकी परवानिपुरले जनाएको छ। घाइतेलाई उपचारको लागि नारायणी अस्पतालमा पठाइएको र ठक्कर दिने टिपर र चालकलाई नियन्त्रणमा लिइएको प्रहरी चौकी परवानीपुरले जनाएको छ। Virus-free. www.avast.com

वीरगंज, २४ वैशाख । सुन, हिरा तथा विभिन्न किसिमका पत्थरहरूसहित एकजनालाई पर्सा प्रहरीले पक्राउ गरेको छ । २०८०।०१।२२ गते ११ बजे वीरगञ्ज महानगरपालिका वडा नं. १६ शंकराचार्य गेटस्थित सडकखण्डबाट वीरगंजतर्फ आउँदै गरेका भारत हौँडा जिल्ला डोमजुर ग्राम पञ्चायत बदमपुरटोल बस्ने ४५ वर्षीय बुद्धदेव मैतीलाई पक्राउ गरिएको जिल्ला प्रहरी कार्यालय, पर्साले जनाएको छ । उनले ज्याकेटको गोजीमा लुकाई छिपाई राखिएको सुन जस्तो देखिने पहेंलो धातुको सिक्री २७ थान (२२४.८ ग्राम), हिरा जस्तो देखिने टल्कने कालो सेतो पत्थर २१.९ ग्राम, पोल्की हिरा जस्तो देखिने पत्थर ५.२० ग्राम, हरियो पन्ना जस्तो देखिने पत्थर ६.७८ ग्राम, रातो रूबी जस्तो देखिने पत्थर ८.४९ ग्राम, नीलो रंगको निजम २.३८ ग्राम, तलमरी पत्थर ७२ ग्राम,  रूबी जस्तो देखिने रातो पत्थर २१ ग्राम, रातो रंगको (आर्टिफिसियल) स्टोन ११.६०० ग्राम फेला परेको प्रहरीले जनाएको छ । उक्त सुन, हिरा तथा विभिन्न किसिमका पत्थरहरूको मूल्य रू. २९ लाख चौवालिस हजार छ सय त्तेतिस भएको प्रहरीले जनाएको छ । उनलाई आज राजश्व अनुसन्धान कार्यालय पथलैया, बारामा बुझाइएको प्रहरीले जनाएको छ ।  Virus...

काठमाडौं, २४ वैशाख । नक्कली कागजात पेश गरेर नेपाली नागरिकता लिने १० जना भारतीय नागरिकलाई प्रहरीले पक्राउ गरेको छ। काठमाडौं उपत्यका अपराध अनुसन्धान कार्यालयबाट खटिएको प्रहरीको टोलीले करिब साढे ३ महिनाको अनुसन्धानबाट भारतीय नागरिकहरूले नक्कली कागजात पेश गरी नागरिकता लिएको तथ्य बाहिर ल्याएको हो। उपत्यका अपराध अनुसन्धान कार्यालयका प्रमुख एसएसपी मनोज केसीले नक्कली कागजात पेश गरेर नेपाली नागरिकता लिएका १० जना भारतीय नागरिकलाई पक्राउ गरेको बताए। उनले भारतीयहरूले नेपालको सिरहा, बारा, पर्सा, रूपन्देहीलगायतका जिल्लाबाट नेपाली नागरिकता लिएको खुलेको बताए। पक्राउ पर्नेमा भारत बिहार घर भइ काठमाडौंको शंखमूल बस्ने ५५ वर्षीय भरतप्रसाद गुप्ता, ३० वर्षीय राहुल गुप्ता, ५० वर्षीया ज्ञानमती देवी गुप्ता र ३९ वर्षीय गोपाल गुप्ता रहेको बताए। यस्तै, बिहार घर भइ ललितपुरको लगनखेल बस्ने ४४ वर्षीय रामसुन्दर गुप्ता, गोंगबु बस्ने ४३ वर्षीय रामप्रवेश गुप्ता, कलंकी बस्ने ४६ वर्षीय भरत गुप्ता, ४२ वर्षीया स्नेहलता गुप्ता, ४९ वर्षीया मिनदेवी गुप्ता र ५२ वर्षीय राजेशकुमार गुप्ता रहेको उनले जानकारी दिए। एसएसपी केसीले उन...