Trinetra Dainik

वीरगंज, १८ माघ । वीरगंज महानगरपालिका वडा नं. २६ सुगौलीका वडाअध्यक्ष  शम्भु मिश्रको पहलमा आँखाको बिरामी भएका वडावासीको निःशुल्क आँखा परीक्ष्Fण तथा अपरेशन गरिएको छ। बुधवार वीरगंजको आइ फाउन्डेशनमा वडावासीका आँखा बिरामीह?को निःशुल्क अपरेशन गरिएको वडाध्यक्ष शम्भु मिश्रले जानकारी गराएका छन् । अपरेशन भएपछि वडावासीलाई उनले खाना समेत खुवाएका थिए । साथै वडाध्यक्ष शम्भु मिश्रले आंखाको अपरेशन भएका वडावासीलाई न्यानो कम्बल पनि वितरण गरेका थिए ।   आइवार वीरगंज महानगरपालिका–२६ सुगौलीमा निःशुल्क आँखा चेकजांच शिविर आयोजना गरिएको थियो । सो शिविरमा मोतियाबिन्दु भेटिएका बिरामीह?को आज माट्रिका आइ फाउन्डेशनमा निःशुल्क अपरेशन गरिएको समाजसेवी ओमप्रकाश यादबले जानकारी गराएका छन् । 

महेन्द्रनगर (धनुषा), ८ माघ  धनुषाको जनकपुरधामका दुई युवाको भारतमा अपहरणपछि हत्या भएको छ । जनकपुरधाम उपमहानगरपालिका–८ का २१ वर्षीय रोहित साह र वडा नं १३ का २२ वर्षीय विष्णु साहको हत्या भएको हो । दुवैजना गत पुस २७ गतेदेखि बेपत्ता थिए । सम्पर्कविहीन भएका उनीहरु एउटै परिवारका हुन । रोहित विष्णुलाई लिएर भारतको सीतामढी जिल्लाको बेला परिहार बस्ने एक नातेदारको घर गएका थिए । गत सोमबार विष्णुका परिवारलाई भारतीय नम्बरबाट अपहरणकारीले रु ५० लाख रकम माग गरेका थिए । विष्णुको परिवार अपहरणकारीलाई रु २० लाख दिन सहमत भएको उनको परिवारका एक सदस्यले बताए । अपहरणकारीले रु २० लाख लिएर सर्लाहीको मलङ्गवा नजिक नेपाल–भारत सीमा क्षेत्रमा बोलाएका थिए । यसबारे विष्णुको परिवारले प्रहरीलाई जानकारी गराएको थियो । "हामीले यसबारे भारतीय प्रहरीलाई खबर ग¥यौँ", धनुषाका प्रहरी नायब उपरीक्षक प्रदीपबहादुर क्षेत्रीले भन्नुभयो– "भारतीय प्रहरीले दुई शव भेटेपछि आज हामीलाई खबर गरेको हो ।" भारत बिहारको सीतामढीमा खाडलमा गाडिएको अवस्थामा दुवै जनाको शव फेला पर...

वीरगंज, ४ माघ । जिल्ला प्रहरी कार्यालय, पर्साले हुण्डी कारोबार गरेको आरोपमा दुईजनालाई साढे २२ लाखसहित पक्राउ गरेको जनाएको छ । पक्राउ पर्नेमा वीरगञ्ज म.न.पा. वडा नं. १६ नगवा बस्ने वर्ष ३४ को बिकाश साह र जिल्ला पर्सा वीरगञ्ज म.न.पा.वडा नं. १८ ईनर्वा मनियारी बस्ने वर्ष १९ को सुवास कुमार साह रहेको प्रहरीले जनाएको छ । २०७९ पुस ३ गते दिउँसो २ः३० बजे अस्थायी प्रहरी पोस्ट घण्टाघरको चेकिङ टोलीले बिआर०५एइ ९३४३ नम्बरको स्कुटर चेकजाँच गर्ने क्रममा स्कुटर पछाडी बस्ने सुवास कुमार साहले बोकेको झोलाबाट बाईस लाख पचास हजार भेटिएको जिप्रका, पर्साले जनाएको छ । उनले रुपियाँहरूको  श्रोत खुलाउन नसकेको हुँदा सुवाससँगै स्कुटी चालक विकाश कुमार साहलाई पनि नियन्त्रणमा लिएर अनुसन्धान गरिरहेको प्रहरीले जनाएको छ । पक्राउ परेका दुवैजनालाई बैंक तथा वित्तीय संस्था सम्बन्धी ऐन, २०७३ बमोजिमको कसूरमा अनुसन्धान गरिरहेको जिल्ला प्रहरी कार्यालय, पर्साले जनाएको छ । 

वीरगञ्ज  २ माघ । बारामा मोटरसाईकल दुर्घटनामा परी दुई जनाको मृत्यु भएको छ भने एक जना घाइते भएका छन् । सिम्रौनगढ नगरपालिका-१ बैरिया बस्ने २३ वर्षीय कासिम अन्सारी र २२ वर्षीय तहिद अन्सारीको मृत्यु भएको हो । उनीहरु दुवै जनाको शव खोजतलासको क्रममा थलही खोलामा भेटिएको जिल्ला प्रहरी कार्यालय बाराका प्रवक्ता प्रहरी नायब उपरीक्षक राजेश थापाले जानकारी दिए । दुर्घटनामा बैरियाकै २२ वर्षीय गुड्डु अंसारी सामान्य घाईते छन् । शरीरमा समान्य चोट मात्रै रहेकोले उनी घरमा नै आराम गरिरहेको प्रहरीले जनाएको छ । उनीहरु तीनै जना एउटै मोटरसाईकलमा सवार थिए । आइतबार राति ९ बजे महागढीमाई नगरपालिका–९ थलही पुलमा गढीमाईबाट श्रीनगरतर्फ जाँदै गरेको ना.२६ प.२२९५ नम्बरको पल्सर मोटरसाइकल अनियन्त्रित भई पुल मुनी खसेको थियो । मोटरसाईकलमा तीन जना सवार थिए । दुर्घटनामा परी घाईते भएका गुड्डुले नै घरमा आफन्तलाई मोटरसाईकल दुर्घटना भएको जानकारी गराएका थिए । दुर्घटनाको बारेमा सोमबार बिहान २ बजे मात्रै खबर पाएको प्रहरीले जनाएको छ । प्रहरी टोली पुग्दा मोटरसाईकल थलही खोलामा नै भेटिएको थियो । कासिम र ताही भेटिएका थिएनन् । खोजतलासको क्रम...

वीरगंज, २७ पुस । जिल्ला प्रहरी कार्यालय, पर्साले पर्सा जिल्लामा निसासिएर २ जना भारतीय नागरिकको मृत्यु भएको जनाएको छ । आज बिहान १० बजे जिल्ला पर्सा वीरगञ्ज महानगरपालिका वडा नं. २२ जगरनाथपुर त्रिपती ट्रेडिङ एण्ड सप्लार्यस कोइला डिपोमा निस्सासिएर भारत बिहार राज्य मोतिहारी जिल्ला थाना रक्सौल कौवा ठेगर वडा नं. ७ बस्ने वर्ष २९ को पबित्र गिरी र  भारत बस्ने  सोही डिपोको म्यानेजर वर्ष ३० को मिथलेश यादवको मृत्यु भएको पर्सा प्रहरीले जनाएको छ । त्रिपती ट्रेडिङ एण्ड सप्लायर्स (कोईला डिपो) को रेखदेख गर्ने उनीहरु डिपोको एकतले पक्की भवनको आल्मुनियमको झ्याल ढोका भएको कोठा भित्र झ्याल ढोका बन्द गरी सुतेकोमा बिहान १०ः०० बजेसम्म उनीहरु नउठ्दा स्थानीय र प्रहरी समेतको टोली पुगी ढोका फोडेर भित्र प्रवेश गरी हेर्दा दुवै जनाको मृत्यु भएको प्रहरीले जनाएको छ । घटनास्थलमा तगारमा पत्थर कोइला वालेर झ्याल ढोका बन्द गरी सुतेकोमा अक्सिजनको कमी भई निसास्सिएर मृत्यु भएको प्रारम्भीक अनुसन्धानबाट देखिएको प्रहरीले जनाएको छ । मृतकको शव नारायणी अस्पतालमा राखी अनुसन्धान भइरहेको जिप्रका, पर्साले जनाएको छ ।

जनकपुरधाम, २७ पुस । मधेश प्रदेशको मुख्यमन्त्रीमा जनता समाजवादी पार्टी (जसपा)का संसदीय दलका नेता सरोज यादव नियुक्त भएका छन् । ् केन्द्रमा रहेको सत्ता समीकरण अनुसार यादवले ६३ सांसदको समर्थनसहित प्रदेश प्रमुख हरिशंकर मिश्रसमक्ष दाबी पेस गरेपछि उनले यादवलाई मुख्यमन्त्रीमा नियुक्त गरेका हुन् । १०७ जना प्रदेशसभा सदस्य रहेको मधेश प्रदेशमा बहुमतका लागि ५४ जना प्रदेश सभा सदस्यको आवश्यक पर्छ । निवर्तमान सभामुखसमेत रहेका यादवलाई आफ्नो दल जसपाको १६, नेकपा एमालेका २३, जनमत पार्टीका १३, नेकपा माओवादी केन्द्रका ९, राष्ट्रिय प्रजातन्त्र पार्टी र नेपाल संघीय समाजवादी पार्टीका एकरएक तथा स्वतन्त्र प्रदेश सभा सदस्यहरूसहित ६३ प्रदेश सांसदको समर्थन छ ।

जनकपुरधाम – जनता समाजवादी पार्टी(जसपा)का संसदीय दलका नेता सरोजकुमार यादवले ६३ सांसदको बहुमतसहित मधेस प्रदेशको मुख्यमन्त्रीमा आफ्नो दाबी पेश गरेका छन्। बुधबार जसपासहित नेकपा एमाले, जनमत पार्टी, माओवादी केन्द्र, राष्ट्रिय प्रजातन्त्र पार्टी, नागरिक उन्मुक्ति पार्टी, नेपाल संघीय समाजवादी पार्टी र दुई स्वतन्त्र सांसदको सहयोगमा यादवले मुख्यमन्त्रीमा दाबी पेश गरेका हुन्। १०७ जना प्रदेशसभा सदस्य रहेको मधेस प्रदेशमा नेकपा एमालेका २३, जसपाका १६, जनमतका १३, माओवादी केन्द्र ७, लोकतान्त्रिक समाजवादी ९, नेकपा एसका ७, राष्ट्रिय प्रजातन्त्र पार्टी, नागरिक उन्मुक्ति पार्टी र नेपाल संघीय समाजवादी पार्टीका १/१ र ५ जना स्वतन्त्र सांसद छन्। माओवादी केन्द्रका दुई समानुपातिक सिटको सम्बन्धमा सर्वोच्चमा मुद्दा रहेकाले अहिले दुई पदमा निर्वाचित घोषणा गरिएको छैन।

वीरगंज, २२ पुस । ठूलो परिमाणमा गुणस्तरहीन र मिसावटयुक्त घ्यूसहित एकजनालाई पक्राउ गरेको जिल्ला प्रहरी कार्यालय, पर्साले जनाएको छ । २०७९ पुस २२ गते वीरगंज म.न.पा. वडा नं. १६ बाट ४४ वर्षीय राजेश कुमार रायलाई पक्राउ गरेको जिप्रका, पर्साले जनाएको छ । सर्लाही विष्णु गाउंपालिका वडा नं.८ बत्रौल गाउँँ बस्ने राजेश कुमार रायले वीरगंज–१६ मा श्री गणपती रिपैकिङ उद्योग, गणपती पूजा समाग्री रिपैकिङबाट मिसावट गरी तयार पारिएको २० के.जी.का तौलमा प्याकिङ गरिएका डाल्डा घ्यू २२६० लिटर र बिभिन्न तौलमा प्याकिङ गरिएको मिसावट घ्यू ६१३ लिटरसहित रायलाई पक्राउ गरिएको पर्सा प्रहरीले जनाएको छ । प्रहरीले नापतौल गुणस्तरीय कार्यालय तथा जिल्ला प्रशासन कार्यालय पर्सासंग समन्वय गरी अनुसन्धान भइरहेको प्रहरीले जनाएको छ ।

वीरगंज, २२ पुस । छठघाटको  भर्याङ को   सेन्ट्रिंग खोल्दा ढलान भत्किएर एकजना कामदारको मृत्यु भएको छ भने एकजना घाइते भएको जिल्ला प्रहरी कार्यालय, पर्साले जनाएको छ । २०७९ पुस २२ गते शुक्रवार दिउँसो २ः३० बजे बहुदरमाई नगरपालिका वडा नं.–४ तिलावे खोलाको छेउमा रहेको छठ पूजा गर्ने घाटको भर्याङ ढलान गरेको सेन्ट्रिङ खोल्दा ढलान भत्किई दुईजना कामदार च्यापिएका थिए । अन्य कामदार र स्थानीय प्रहरी चौकी डकैला बहुअरीको प्रहरी टोलीले उपचारको लागि पठाएको थियो । बहुदरमाई नगरपालिका वडा नं.५ भौराटोल बस्ने वर्ष २१ को राजा मण्डलको मृत्यु भएको छ भने वडा नं.५ पटनी बस्ने वर्ष ३५ को अमर महतो गम्भीर घाइते भएका छन् । ई.प्र.का. पोखरियाबाट प्र.नि.आयुष जोशीको टोलीले घटनाबारे अनुसन्धान भइरहेको जनाएका छन् । 

रौतहट, १९ पुस । जिल्ला प्रहरी कार्यालय, रौतहटले करीब साढे पांच लाख भारुसहित दुईजना भारतीयलाई पक्राउ गरेको जनाएको छ । सोमवार गौर नगरपालिका–१ चेकपोस्टबाट नगद बोकेर नेपालतर्फ आइरहेका बिहार, मोतीहारीको गोपालपुर बल्हाचोक बस्ने आजादकुमार मालाकार र ३२ वर्षीय सञ्जीवकुमार तिवारीलाई चेकजांच गर्ने क्रममा उनीहरुको साथबाट ४ लाख ४९ हजार पाँचसय बरामद भएको जिप्रका, रौतहटले जनाएको छ । बिआर०४एएन–१५९० मोटरसाइकलमा चढेर नेपालआइरहेका दुवैमाथि शंका लागि चेकजांच गर्दा उनीहरुको साथबाट उक्त रकम बरामद भएपछि कारबाइको लागि पथलैया राजस्व अनुसन्धान कार्यालयमा बुझाइएको जिप्रका, रौतहटले जनाएको छ । 

बारा, १९ पुस । तराई मधेसमा अत्यधिक चीसो बढेपछि धमाधम विद्यालयहरु बन्द हुन थालेका छन् । पुस १९ गते देखि कलैया उपमहानगरपालिकाले सम्पूर्ण विद्यालय बन्द गर्ने निर्णय गरेको छ । चीसो बढेपछि पठनपाठनमा असहज भएकोले नगर शिक्षा समितिको बैठकले कलैया उपमहानगरपालिका भित्रका सम्पूर्ण सामुदायिक तथा संस्थागत ४ दिनको लागि बन्द गर्ने निर्णय गरेको निमित्त प्रमुख प्रशासकीय अधिकृत प्रहलाद प्रसाद वर्णवालले जानकारी दिएका छन् । उनले पुस २२ शुक्रवारसम्म विद्यालय बन्द हुने, शनिवार बिदा रहेकोले आइतवारदेखि मात्र विद्यालय सुचारु हुने जनाएका छन् । 

वीरगंज, १८ पुस । जिल्ला प्रहरी कार्यालय, पर्साले आन्तरिक राजस्व विभागको नक्कली स्टिकरसहित दुईजनालाई पक्राउ गरेको छ । बारा विश्रामपुर गाउँपालिका वडा नं.५  घर भई हाल हाल वीरगञ्ज महानगरपालिका वडा नं. १५ त्रिशुल चोक बस्ने वर्ष २७ को मनिष कुमार साह तेली र वर्ष २५ को रंजन कुमार रामलाई प्रहरीले गोप्य सूचनाको आधारमा वीरगंज–१६ बाट पक्राउ गरेको जिप्रका, पर्साले जनाएको छ । उनीहरुको साथबाट आन्तरिक राजश्व विभागको लिक्युर २५ युपी ३७५ एमएल लेखिएको स्टिकर ३९ वटा र छायाकपी पाना फेला परेको प्रहरीले जनाएको छ । प्र.२–०३–००८ प २६६९ नम्बरको मोटरसाइकलमा भारतको रक्सौलबाट वीरगञ्जतर्फ आइरहेका यी दुवैजनालाई आन्तरिक राजश्व विभागको किर्ते तवरबाट तयार गरिएको स्टिकर गोजीमा लुकाएर वीरगंज आउनेक्रममा पक्राउ गरी पर्सा जिल्ला अदालतबाट सात दिनको म्याद थमाइ अनुसन्धान भइरहेको प्रहरीले जनाएको छ । 

बारा, १८ पुस । सशस्त्र प्रहरीले बाराको पचरौता नगरपालिका ४ गुलरिया सीमा क्षेत्रबाट एक जना भारतीयलाई पेस्तोलसहित पक्राउ गरेको छ । भारतको पूर्वी चम्पारण मोतिहारी घर बताउने ४० वर्षीय चन्दन कुमारलाई सशस्त्र प्रहरी बल नेपाल नम्बर १२ गण बाराले उक्त पेस्तोल र ७ राउन्ड गोलिसहित नियन्त्रणमा लिएको जनाएको छ । भारतबाट नेपालतर्पm आउँदैगरेका उनलाई शंकास्पद अवस्थामा देखेपछि गस्तीमा खटिएको सशस्त्र प्रहरीले जाँच गर्दा उनको साथमा तीन राउण्ड गोली लोड गरिएको मोडल नम्बर २०२२ आरएफआइको एउटा पेस्तोल तथा सोको १ वटा म्याग्जिन र होसटाईलभित्र राखेको ४ राउण्ड गोली फेला पारेको हो । उनको साथमा ११ हजार २ सय ७० भारतीय रुपियाँँ, ३ वटा भारतीय आधार कार्ड र एउटा मोवाईल सेट समेत बरामद भएको सशस्त्र प्रहरीका नायव उपरीक्षक शैलेन्द्र थापाले बताए । पक्राउ परेका कुमारलाई बरामद गरिएको पेस्तोल, गोली तथा म्याग्जिन र अन्य सामानसहित आवश्यक कारबाईको लागि इलाका प्रहरी कार्यालय सिमरौनगढ बारामा बुझाइएको प्रहरीले जनाएको छ ।

काठमाडौँ, १७ पुुस (रासस) : राजधानीमा जारी पहिलो संस्करणको टि–२० क्रिकेट लिग प्रतियोगितामा काठमाडौँ नाइट्स जनकपुर रोयल्सलाई पराजित गर्दै विजयी भएको छ । कीर्तिपुरस्थित त्रिवि क्रिकेट मैदानमा आज भएको खेलमा काठमाडाँै जनकपुरलाई ९० रनको फराकिलो अन्तरले पराजित गर्दै विजयी भएको हो ।  काठमाडौँले दिएको एक सय ८१ रनको विजयी लक्ष्य पछाएको जनकपुर १९ दशमलव एक ओभरमा सबै विकेट गुमाउँदै ९० रनमा समेटियो । जनकपुरका लागि अरफुदिन असरफले सर्वाधिक ३३ रनको योगदान दिए भने सोमापाल कामीले २१ रन बनाए । त्यस्तै खड्क बोहोराले १० रन बनाउनुबाहेक अन्य व्याट्सम्यानले दोहोरो अङ्कमा रन बनाउन सकेनन् । काठमाडाँैका अभिनास बोहोरा एक्लैले चार विकेट लिए भने अजमतुल्लाह उमरजाईले दुई विकेट लिए । त्यसैगरी कमलसिंह ऐरी, अनिल खरेल र बसिर अहमदले समान एक÷एक विकेट झारे । त्यसअघि टस हारेर पहिले व्याटिङको निम्तो पाएको काठमाडाँैले निर्धारित २० ओभरमा छ विकेट गुमाउँदै एक सय ८० रनको योगफाल बनाएको थियो । काठमाडौँका लागि सुनाम गौतमले सर्वाधिक ६२ रनको योगदान दिएका थिए । त्यस्तै रायन बर्लले ६१ रन जोडे भने एलेक्स ब्लेकले २०, अजमतुल्लाह उमजाईले १० ...