आमा छोराको शव फेला
जनकपुर,०४ असाेज । धनुषाको एक पोखरामा आमा छोराको शव फेला परेको छ ।
धनुषाको धनुषाधाम नगरपालिका २ धर्मपुर टोलकी २८ वर्षीया अर्चना सिंह र उनका ४ वर्षीय छोरा कुश कुमार सिंहको शव घर नजिकैको पोखरीमा सोमबार बिहान फेला परेको हो ।
अहिले इलाका प्रहरी कार्यालय धनुषाधामको टोलि घटनास्थल पुगेको छ । पोखरीबाट शव निकाल्ने काम गरिरहेको प्रहरी निरीक्षक सुरेश ठाकुरले बताए ।
स्थानीयले राति श्रीमान श्रीमतीबीच विवाद हुँदा अर्चनाले छोरालाई लिएर पोखरीमा हाम फालेर आत्महत्या गरेको हुन सक्ने आशंका गरेका छन् ।
सोमबार बिहानै आमा छोराको शव पोखरीमा देखेपछि स्थानीयले प्रहरीलाई खबर गरेका थिए । मृतक महिला स्थानीय अशोक सिंहकी श्रीमती हुन् ।
घटना विषयमा अनुसन्धान जारी राखेको प्रहरीले जनाएको छ ।
Comments
Post a Comment