मोटरसाइकल चोरीमा संलग्न ३ जना पक्राउ
वीरगंज, ६ कात्तिक ।
बारा जिल्लाको बिभिन्न स्थानमा मोटरसाइकल चोरी गरेको आरोपमा
जिप्रका, बाराले तीनजनालाई पक्राउ गरेको छ ।
मोटरसाइकल चोरीको आरोपमा कलैया उपमहानगरपालिका वडा नं.८ बस्ने वर्ष २२ को सोहेल अंसारीलाई कात्तिक २ गते पक्राउ गरेको छ । उनले कलैया बरगाछीबाट प्रदेश २–०३–०१३ प ४९५६ नम्बरको पल्सर मोटरसाइकल चोरी गरेका थिए । सो मोटरसाइकलको पार्टसहरू आफनै घरमा खोलेर अर्काे मोटरसाइकलमा फिट गर्न राखेको अवस्थामा प्रहरीले अन्सारीलाई पक्राउ गरेको जिप्रका, बाराले जनाएको छ ।
यसैगरी छुट्टा छुट्टै मिति र स्थानमा थप ५ थान चोरीको मोटरसाइकलसहित र २ जनालाई पक्राउ गरिएको बारा प्रहरीले जनाएको छ ।
प्रहरीले कलैया उपमहानगरपालिका वडा नं.३ बैजनाथपुर टोल बस्ने वर्ष २० को राकेश प्रसाद यादव, बारागढी गाउँँपालिका वडा नं.४ बस्ने वर्ष २४ को रामकिशोर हजरालाई पक्राउ गरेको जनाएको छ ।
उनीहरुको साथबाट प्र.२–०३–००९ प ६८९४, ना ३५ प १३७२ र एउटा भारतीय नम्बरको मोटरसाइकल बरामद भएको जिप्रका, बाराले जनाएको छ ।
Comments
Post a Comment