विवाहमा नाचगान गर्ने क्रममा विवाद, कुटपिटबाट एकजनाको मृत्यु

वीरगंज, ६ पुस/
विवाहमा नाचगान गर्न जाँदा विवाद भएपछि जीराभवानी गाउँपालिका वडा नं.४ ठेकरीया बस्ने वर्ष ३६ को सैमुल्लाह राउत गद्दी गम्भीर घाइते भएको र आज बिहान उनको मृत्यु भएको जिल्ला प्रहरी कार्यालय, पर्साले जनाएको छ ।
पुस ५ गते राती ११ बजे जीराभवानी गाउँपालिका वडा नं.४ स्थित साबिर राउत गद्दीको विवाहमा सैमुल्लाह राउत गद्दी गएका थिए । विवाहमा नाचगान गर्ने क्रममा विवाद हुँदा सोही ठाउँका जाजुल राउत गद्दी समेतले उनलाई कुटपिट गरेको थियो ।
कुटपिटबाट गम्भीर घाइते भएका सैमुल्लालाई आज बिहान प्रहरी चौकी पाण्डेपुर र इलाका प्रहरी कार्यालय पटेर्वा सुगौलीबाट प्रहरी निरीक्षक किशोर आचार्यको कमाण्डमा गएको प्रहरीले सैमुल्लाहको घरमा पुगी तत्कालै उपचारार्थ नारायणी अस्पताल वीरगंज लगेका थिए तर उनलाई चिकित्सकले मृत घोषणा गरेको जिप्रका, पर्साले जनाएको छ ।