Trinetra Dainik

वीरगंज, १४ मंसिर । टयाक्टरको ठक्करबाट एकजना चटपटे बिक्रेताको मृत्यु भएको जिल्ला प्रहरी कार्यालय, पर्साले जनाएको छ ।   रामनगरीबाट महुवनतर्फ जाँदै गरेको नम्बर नखुलेको ट्याक्टरले मङ्गलवार राति ८ः४० बजे प्रसौनी गाउँपालिका वडा नं. ५ टाली चोकमा  ठेलामा चटपटे बिक्री गर्ने एकजना व्यक्तिलाई ठक्कर दिंदा उनको मृत्यु भएको छ । बहुदरमाई नगरपालिका वडा नं. ८ रामनगरी बस्ने वर्ष ४५ चटपटे बिक्रेता तपसी साह कानुलाई ठक्कर दिंदा उनको घटनास्थलमै मृत्यु भएको जिल्ला प्रहरी कार्यालय, पर्साले जनाएको छ ।   घटनापछि इप्रका पोखरियाका प्रहरी निरीक्षक आयुश जोशीले फरार टयाक्टर चालकको खोजतलास गर्ने क्रममा अल्फावेट मेटिएको अवस्थामा २८५८ नम्बरको ट्याक्टर बरामद गरेको जिप्रका, पर्साले जनाएको छ ।  

वीरगंज, १२ मंसिर । ७० किलो लड्डु तराजूको एकातिर र अर्कोतिर पर्सा क्षेत्र नम्बर ४ बाट निर्वाचित प्रतिनिधि सभा सदस्य रमेश रिजाललाई राखेर उनका मतदाता, समर्थक, नेता, कार्यकर्ताहरुले सम्मान दर्शाएका छन् ।   पर्सा  ४ नं क्षेत्रको छिपहरमाई गापा वडा न ५ भिस्वामा नवीन सिंहको नेतृत्वमा कार्यकर्ताहरूले निर्वाचित प्रतिनिधिसभा सदस्य रमेश रिजाललाइ लड्डुले तराजूमा जोखेर सम्मान गरेका छन् ।   यसैगरी जयमङ्गलापुर, बुड्गाही, झलमैयाका, टिवकी, चरगाहा, मिर्जापुरमा नागरिक समाज  विजयोत्सव गरिएको थियो । सहभागीहरुले नेपाली कांग्रेसका विजयी उम्मेदवार रमेश रिजाललाई भब्य स्वागत  गरेका थिए ।   नेपाली कांग्रेस नेतृत्वको पाँच दलीय गठबन्धनबाट निर्वाचित प्रतिनिधि सभा सदस्य रमेश रिजाललाई स्थानीयबासिन्दाले माला लगाएर स्वागत गरेका थिए । निर्वाचित भएपछि मतदातालाई धन्यवाद दिन जनताको घरदैंलोमा गएका उनीहरूलाई छिपहरमाई गाउँपालिका वडा नम्बर ३ को जयमंगलापुर बासिन्दाले चाँदीको मुकुट लगाइदिएका थिए । गत ४ मंसिरमा मा भएको निर्वाचनमा गठबन्धनबाट नेपाली कांग्रेस उम्मेदवार रिजाल, पर्सा क्षेत्र नम्बर ४ बाट प्रतिनिधिसभा सदस्यमा  निर्वाच...

वीरगंज, ११ मंसिर । नव जनकल्याण  युवा संजाल छपकैया, वीरगंज–३ ले मैत्री क्रिकेट प्रतियोगिता शुरु गरेको छ । शनिवारदेखि शुरु भएको सो प्रतियोगिता १७ गतेसम्म सञ्चालन रहने आयोजकले जनाएको छ । क्रिकेट प्रतियोगितामा राधेमाई क्रिकेट क्लब, मुर्ली डिभाइन विज्डम, वीरगंज लाइफ इन्स्योरेन्स कम्पनी, छपकैया–३ टीम, सेभेन स्टार टीम प्रगतिनगर, अशोकवाटिका राहुन–११, घर आँगन बचत तथा सहकारी संस्था, घडीअर्वा–१० टीम, ग्यालेक्सी सेकेन्ड्री स्कूल, त्रिजुद्ध +२ टीम छपकैया, प्रगतिनगरको राजीव–११, एक्सपर्ट कन्सलटेन्सी सहभागी छन् । प्रतियोगिताको प्रायोजकमा क्वेष्ट फार्मेसी एक्सपर्ट कन्सलटेन्सी एन्ड रिसा सर्भिस रहेको जनाइएको छ । कार्यक्रमका प्रमुख अतिथि वीरगंज महानगरपालिका वडा नं. ३ का अध्यक्ष्F बैजुलाल स्वर्णकार, जनकल्याण संजालका अध्यक्ष्F महम्मद सगीर अलि, वीरेन्द्र साह हिटलर, किरण सत्याल, सन्नी महतो, कलाम ठकुराई, हरिशंकर यादव, दिलखुस देवान, अमित सिंह राजपूत, विक्की राज पटेललगायतको सहभागिता थियो। प्रतियोगितामा विजेता टीमलाई ५० हजार र उपविजेता टीमलाई २० हजार नगदसहित प्रमाणपत्र, मेडल, शिल्डसहित पुरस्कृत गरिने आयोजकले...

वीरगंज, ७ मंसिर । पर्सा निर्वाचन क्षेत्र नम्बर ३ (१) बाट स्वतन्त्र र (२) बाट नेपाली कांग्रेसका उम्मेदवार विजयी भएका छन् । स्वतन्त्र उम्मेदवार प्रमोदकुमार जयसवालले नेकपा एमालेका अब्दुल रहिम अन्सारी (मञ्जुर) लाई पराजित गरेका हुन् । जयसवालले ७ हजार ३ सय ८१ मत पाउँदा अब्दुलले ५ हजार ९ सय ३०  मत पाए । कांग्रेसका जनार्दन सिंह क्षेत्रीले जनता समाजवादी पार्टी (जसपा) की नेतृ मधु गुप्तालाई पराजित गरेका हुन् । क्षेत्री नेपाली काङग्रेस पर्साका सभापति हुन् । क्षेत्रीले १० हजार १ सय ७२ मत ल्याउँदा मधुले ७ हजार ४९६ मत पाइन् । टिकटका लागि पार्टी परिवर्तन गरेर नेकपा एकीकृत समाजवादीबाट चुनाव लडेका प्रल्हाद गिरी गोस्वामीले ६ हजार ५ सय ३ मत पाए । ०७४ को निर्वाचनमा तत्कालीन संघीय समाजवादी फोरम नेपालबाट निर्वाचन लडेका प्रल्हादले जर्नादनलाई पराजित गरेका थिए । प्रल्हाद ६३४५ मत ल्याएर विजयी हुँदा जर्नादन ६२५० मत सहित दोस्रो स्थानमा थिए । निवर्तमान प्रदेशसभा सदस्य प्रल्हाद लोकतान्त्रिक समाजवादी पार्टी, नेकपा एमाले हुँदै टिकटका लागि एकीकृत समाजवादीमा प्रवेश गरेका थिए ।

वीरगंज, ७ मंसिर । लोसपाका रमेश कुर्मी प्रदेशसभा सदस्यमा निर्वाचित लोकतान्त्रिक समाजवादी पार्टीले पर्सामा खाता खोलेको छ। पर्सा २ (ख) बाट नेता रमेशप्रसाद कुर्मी प्रदेश सभा सदस्यमा पुनः निर्वाचित भएका हुन। निकटतम प्रतिस्पर्धी स्वतन्त्र उम्मेदवार रूपेशमान सिंहभन्दा २ हजार ६३७ मत ल्याएर उनी दोस्रो कार्यकालका लागि प्रदेश सभा सदस्यमा निर्वाचित भएका छन। रमेशले ९४७१ मत पाउँदा रूपेशले ६ हजार ८३४ मत ल्याएका छन। रमेशलाई बाम लोकतान्त्रिक गठबन्धनको साथ थियो। एमाले जसपा गठबन्धनका हरेराम प्रसादले ३ हजार ७९० मत ल्याएर तेस्रो भएका छन। मुख्यमन्त्री लालबाबु राउत पुनः प्रदेशसभा सदस्यमा निर्वाचित मधेस प्रदेशका मुख्यमन्त्री मोहम्मद लालबाबु राउत पुनः प्रदेशसभा सदस्यमा निर्वाचित भएका छन् । पर्सा क्षेत्र नं १ (२) मा जनता समाजवादी पार्टी (जसपा)का उम्मेदवार राउत सात हजार पाँच सय ४५ मतका साथ पुनः प्रदेशसभा सदस्यमा निर्वाचित भएको निर्वाचन अधिकृत विनोद पोखरेलले जानकारी दिए । उनका निकटतम् प्रतिस्पर्धी नेपाली कांग्रेसका उम्मेदवार रामनारायण कुर्मीले छ हजार दुर्ई सय १२ मत पाए। पर्सा–४ मा कांग्रेसका रमेश रिजाल विजयी ...

वीरगंज, ६ मंसिर । पर्साको निर्वाचन क्षेत्र नम्बर ४ मा कांग्रेसका रमेश रिजाल निर्वाचित भएका छन् । रिजालले एमालेका जालिम मियाँँलाई ५ हजार ५ सय २३ मतले पराजित गरेका हुन् । रिजालले ३१ हजार १ सय ४२ मत पाउँदा मियाँँले २५ हजार ६ सय १९ मत ल्याए । जनमतका अजयकुमार यादव ७०९ र राप्रपाका अवधेशप्रसाद गौरो ६१३ मत पाएका छन् ।

वीरगंज, ६ मङ्सिर/ पर्सा निर्वाचन क्षेत्र नं २ को प्रदेशसभा (१) मा  नेपाली कांग्रेसका श्याम पटेल निर्वाचित हुनुभएको छ ।   पटेल जनता समाजवादी पार्टी (जसपा) का उम्मेदवार रामनरेश प्रसाद यादवलाई एक हजार छ सय ५७ मतान्तरले पछि पार्दै निर्वाचित हुनुभएको हो । उहाँले १३ हजार सात सय ८४ मत प्राप्त गरेका छ भने निकटतम प्रतिस्पर्धी जसापा–एमालेका साझा उम्मेदवार यादवले भने १२ हजार एक सय १७ मत प्राप्त गर्नुभयो ।